Okaana ka kana ka hangika momufima

0
228

 

OKAHAO– Opolifi moshitukulwa Omusati oya indila ovakulunhu va pashukile nokutonatela ounona va vo pefimbo veli mefudo lAuguste.

Eindilo eli opolifi oye li ninga kovakulunhu moshitukulwa eshi  sha landula kefyo lokamatyona keedula hamano oko ka wila momeva  exulilo shivike ladjako.

Okamatyona keedula hamano aka okakanene okudja meumbo lavo poAmarika Olomakaya ladjako novakulunhu ova kala tave ka kongo efiku olo fiyo osheshi ke ke lituwa mOsoondxa ka fila momeva.

Omunambelewa wopolifi moshitukulwa shaMusati Warrant Officer  Lineekela Shikongo okwa ti ovapambele ova konga okaana no ve ke ke litwa, mOsoondaxa ka wila momeva.

Shikongo ta koleke kutya Marti Andiyatuye weedula 6, omukalimo womoAmarika moshikandjohoololo shaTamanzi moshitukulwa shaMusati okwa fila momufima.

Ovapambele ova kala nokukonga Marti okudja eshi a didilikwa ehe wetike  nokwa kongwa oule wefiku. Ove ke mu hanga a fila momufima ongula yOsoondaxa yadjako.

Warrant Shikongo okwa holola kutya, inaku shiivika kutya okwa wila momeva efimbo peni. Omudimba waAndiyatuye ou li kokila yomidimba kOkahao novakwanedimo ova shiivifilwa ehokololo.

Molwaashi oiningwanima yolidu eli oya hapupala moshiwana, unene pomafimbo efudo lofikola ounona vahapu ohava kala va manguluka unene. Oonghee opolifi otai kumaida oshiwana opo ovafilishisho vounona va kale alushe noshisho okupashukila omalinyengo avo. Unene pomafudo ounona vehe li keetundi nomepashukilo lovahongi, ova pumbwa epashukilo momalinyengo avo opo ku henukwe oiponga. Vamwe va lopela okuya keenhele domalihafifo vamwe tava ende ve li meengudu dounona vakwao onghee otava pumbwa epashukilo  lovakulunhu.

LEAVE A REPLY

Please enter your comment!
Please enter your name here