Ospana yuudhano mOshana ya pewa omakwatho

0
203
Omusamane Joseph Kapya Endjala goKapya Engineering.

 

OKAPYA – Osipana yuudhano wetanga lyokoompadhi yUuministeli Wiilonga nomalweendo moshitopolwa shaShana oya pewa omayambidhidho komahangano gi imanga kumwe.

Osipana oya pewa iikutu yuudhano yongushu yooN$ 25 000 kehangano lyo Kapya Engineering no Johny and Penny Groups (J&P).

Omagano ngaka ogali ga gandjwa oshiwike sha piti sha ningilwa pOkapya. Omupevi Minista guuministeli mbuka James Sankwasa pethimbo ta taambako omayambidhidho ngaka okwa ti Uuministeli wa wo omumvo gwa piti owali wa tokola opo wu etepo esiku lyowina opo aaniilonga ya kale taya dheula omasipa gawo.

“Okwa thanekwa uudhano tawu ka kalako okutameka momasiku 20-25 Aguste nuumvo, tawu ka ningilwa moTsumeb mOshikoto, nokwa tegelelwa oosipana adhihe moshilongo ashihe noshitopolwa kehe osha tegelelwa shi tume ospana ndjoka ye ya kalelapo.Uudhano wetameko womumvogu owa ningililwe koshitopolwa shaZambezi,” Sankwasa ta ti.

Okwa pula aanangeshefa mboka yena opo ya gandje omakwatho kwaamboka yega pumbwa , ta ti otaya lalakanene ya yambule po omaudhano maaniilonga yuuministeli wawo. Sho a li ta  gandja omagano ngoka omunangeshefa Joseph Kapya Endjala okwa ti oyali ya taamba eindilo okuza kosipana ndjika yomoshitopolwa, noya yamukula mbala kompumbwe yospana ndjoka.

“Otatu gandja moshigwana shono osho shi li omuyambidhidhi gwetu omunene, inatu ongaonga otwa yamukula mbala oshoka atuhe otu hole omaudhano, otwa hala opo aagundjuka yetu ya kale taya kutha ombinga momaudhano, go ga pendulwepo moshilongo ashihe,” Endjala ta ti.

Omunashipundi gwosipana ndjika Julius Shongolo okwa pandula komakwatho ngoka ya pewa, tati oya thaneka opo moshitopolwa shaShana mu ze aakalelipo yomaudhano ngaashi lyomokambamba lyaakadhona, volleyball, etanga lyokoompadhi, okumatuka noshowo aakadhona mboka taya ka kutha ombinga methigathano lyokakadhona dhingi, ta ti oshitopolwa otashi kalelwapo kaaniilonga yuuministeli yeli 60 lwaampoka.

Shongolo okwa uvaneke oosipana dhawo tadhi keshi enditha nawa, okwa ti oya hala noku halela opo kaaya uvithe nayi aanangeshefa mboka yeya pe omakwatho ngoka ya kala ya pumbwa. Ta ti oosipana dhawo odhi ilongekidha nodha tegelela owala omasiku ngoka ga thike.

 

 

 

 

LEAVE A REPLY

Please enter your comment!
Please enter your name here