Uudhano waNdohotola Haufiku ehuliloshiwike ndika

0
333
Aasindani moSecond Division kaye shi mpoka yu uka KuShipi Elago ONGWEDIVA-Omautho guudhano moliha yoSecond Division otaga kateke etameko lyuudhano womalolelo woospana dhetanga lyokoompadhi ndhoka dhi na okuya koliha yoFirst division. Aasindani ayehe yoliha yosecond division miitopolwa oya tegelelwa oku ka dhana omaudhano gomalolelo opo mbaka ya mone ompito okuya ya ka dhane moFirst Division nuumvo. Oospana ndhoka tadhi ka kala inaadhi shi pondola okusindana momaudhano ngaka otadhi ka shuna ko second division. Ihe sigo oompaka omaudhano gomalolelo ngaka inaga dhanwa natango. Omukwatakanithi gwoliha yoFirst Division Lydia Hakandongo okwa ti uudhano mbuka owa katekwa oshoka opuna oshikumungu shoosipana dhaasolotati naapolosi ina shi potokonoka natango. Pampango ya NFA kehe oshikondo nenge ehangano olya pumbwa ashike okukala nosipana yimwe kehe moliha no kapuna oosipana mbali dha za mehangano nenge moshikondo shimwe dhapitikwa. Lydia okwa ti pethimbo ndika oliha ndjika oyina oosipana mbali dhOpolisi dhili methigathano okuya koliha yoFirst Division oosipana ndhika odho Oshikoto Nampol nOhangwena Nampol. Etanga lyegameno nalyo olina oosipana dhi vule mbali tadhi kondjele okuya kofirst division. Kokutya osipana yoMilitary School yaza mOtjozondjupa noshowo Tropical Heat na Eleven Warriors ndhoka hadhi dhana moliha yoNorth West First Division. Lyidia okwa ti oshikumungu shika oshi li natango momake ga NFA opo ku talike kutya oosipana ndhika dhaasolotati ota dhi ningwa ngiini. Oosipana yoAfrica Motto ndjoka oyo ya sindana po oliha mOshana oyi li moshitsimine oshoka natango kayi shi kutya ota yi ka dhana moliha yini uuna uudhano wa tameke. Teams 1: Dhimwe dhomoosipana hadhi kutha ombinga muudhano woSecond Division yaShana

ONHELEIWA-Uudhano uutimugoyi wekopi lyOmundohotola Bernard Haufiku owu li ko ehuliloshiwike ndika pokapale kuudhano poNheleiwa.

Omundohotola Haufiku ngoka oye Ominista Yuundjolowele Nonkalonawa ngashingeyi okwa tamekele okukwashilipaleka uudhano nethigathano ndika momumvo 2008.

Okuza omumvo ngoka uudhano mbuka owa kala noku koka omumvo kehe nonuumvo okwa tegelelwa wu etelele oosipana odhindji noshowo wu nane aatali naaholi yuudhano oyendji yaza koombinga noombinga dhoshilongo.

Omundohotola Haufiku okwa totopo noku kwashilipaleka uudhano mbuka hawu dhanenwa momukunda nguka oshoka omahala gokomikunda aluhe oga thigwa po ngele tashiya komaudhano.

Oosipana odhindji mwa kwatelwa noBarcelona FC yomOnheleiwa odha tegelelwa dhi ka tyakaleke muudhano mbuka nonuumvo. Uudhano mbuka ohawu dhanwa aluhe pefudho lyaAuguste-Septemba omumvo kehe. Oshoka aagundjuka mboka haya kutha ombinga olwindji, natango oye li moosikola.

Omainyanyudho kaakuna we otaga ka gandjwa komuhikingalo a tseyika nawa moshilongo The Dogg ngoka oye wo omuambasade gwoshikonga shoku pita etanda nenge ekenko.

Onkene ehuliloshiwike ndika oondjila adhihe na dhi taalele kOnheleiwa opo tu ka yambidhidheni oshigwana oshigundjuka sho tashi lyata nokumbeta etanga ngaashi omanyakwa palwe muuyuni.

 

LEAVE A REPLY

Please enter your comment!
Please enter your name here