Young Chiefs a thanga Maldini na Fendi olukaku

1
442
Daniel Ashipala mokambindja okatokele ngoka ali omudhani gomokati kokapale gwosipana yoYoung Chiefs ngoka ngashiingei keemo we mosipana ndjika

 

OSHAKATI-Aadhani yaali mboka ya dhanena ospana Young Chiefs ethimbo ele oya lalekwa kospana ndjoka omasiku ngaka.

Aadhani mboka ya pewa olukaku kospana ndjika hayi dhana mOliha yopombanda oyo Daniel Ashipala a tseyika nawa Maldini oshowo Fredinard Ndahangwapo.

Mbaka yaali oya li ya lalekwa konima yoku shangelwa oontumwafo komunashipundi gwoKalaba ndjika, Elago Amuthenu moka kehe gumwe a pewa omatompelo ngoka ge mu tidhitha.

Maldini ota ku popiwa kutya okwa li ta eta etopoko mosipana nolwindji okwa li a hwahwameke aadhani yakwawo opo kaaya ye kuudhano, oshinima shoka ye  eshi iikala ta ti ndhoka odha nakalindi na Amuthenu okwa kutha kekothi.Ashipala okwa tidhwa wo anuwa molwaashoka okwa li a popile elelo lyoYoung Chiefs muuwinayi moRadio.

Ndahangwapo naye wo anuwa okwa monika ondjo kosipana sho a li naye ta kambadhala okweeta etopoko mosipana, nokwa li ha futu omudheuli opo aluhe a kale ena eha mokapale.

Fendi(Ndahangwapo) naye okwa ti ngoka omalundilo gaafele no ka gena uushili washa onkene omunashipundi na popye shoka eya tidhila.

Etidho lyaambaka yaali halyo lyotango moYoung Chiefs oshoka ekuya lyoYoung Chiefs ihaa li dhana olya li lya vudha mo Damian Shuumbwa ngoka ali omudheuli gwosipana ndjika okuza koliha yoFirst Division, opamwe nomudheuli omukwawo Tobias Herman.

Tobias ngoka oye ali wo omudheuli gwosipana ndjika okwa holola okuuva kwe konayi sho ewete elelo lyoYoung Chiefs lyafa tali teyagula osipana ndjoka ya kondja nuudhiginini okuza koliha yopevi.

Okwa ti omudhani gwoludhi ngaashi Fendi kayena we mpo ta ye ke mu adha, na okwa li etu hololele nkene a li a kwathele osipana ndjika nando a li eli monkalo yokwaahena iilonga ashike aamati yooMaldini nooFendi oyo ya li ya tula uusenda kumwe okumukwathela opo a vule okutula omboloto poshitaafula.

“Paife oto teyapo osipana ye enda ondjila onde pehala lyo ku yi tunga, ano ye okwa li peni sho twa li ta tu mono iihuna nosipana ndjika ,” Tobias ta ti newi lyanika uupongo moka a kunkilile ewiliko opo li galulile aamati mbaka mosipana yo ya tsikile nokutunga osipana ndjika ya kala ya talika ongosipana yoshigwana ashike paife oyina ooyene.

Tobias okwali a pingenwa po ku Ice Komeya ngoka naye a tidhwa mbala koYoung Chiefs.

Omudheuli Alex Iitumba naye okwa li wo a kuthwa miilonga oowili dhontumba konima sho osipana ndjika ya li ya dhengwa mo koTigers moVenduka nuudhano wawo no African Stars kali ena oonkondo dhoku hogolola aadhani oshoka oshinakugwanithwa shika osha li sha kuthwapo komunashipundi, onzo yomoYoung Chiefs tayi ti.

Pambaapila ndjoka ya tidhitha Maldini nokopi yili momake gaKundana oya li wo ya ngambeke Maldini opo kaapopye sha kombinga yoYoung Chiefs mombepo kakele ngele ote shi ningi mokutseyitha iizemo.

 

1 COMMENT

LEAVE A REPLY

Please enter your comment!
Please enter your name here