Egumbo lyaMukwaanyoka otali fikwa ku walye

3
643

KuMaria Namupala

ONAMBANGO – Egumbo lyomukulupe Lusia Hendrick ngoka a tseyika nawa Mukwaanyoka omukalimo gwomomukunda Onambango moshikandjohogololo Okaku otamu fikwa oondunda ihe kakuna uuyelele kutya otadhi fikwa kulye.
Kuku Mukwaanyoka okwa ti megumbo lye pethimbo ndika omwapya oondunda dhili omulongo (10), ndhono odhindji anuwa dhapya ethimbo lyuusiku manga ya lala. Ta ti oshinima shika osha tamekele muJuni nuumvo sho mwali mwapi ondunda yimwe manga ya adhika ya kotha.
Oshitenya shomukulupe nguka shono osho shali sha adhikamo megumbo Elizabeth Hangula okwa hokolola ta ti oshinima shika osheya tilitha noonkondo no kaye shiwe shoka yena oku ninga.
“Omulilo nguka pethimbo ndika ogwa fikapo oondunda adhihe dhomwiidhi tagu thigipo owala omakuma, ohagu fike omasiku ga yooloka, mono ethimbo limwe iinima mbyoka yili meni lyoondunda oyo owala hayi pi mo,otwa lulilwa unene notwa pumbwa ekwathelo,” Hangula ta ti.
Ta ti oshidhigu okudhima omulilo nguka oshoka ohaye gu mono gwa tema nale gu uka mombanda.
Hangula ta ti nonande omulilo nguka gwa tameke muJuni pokati mpoka ogwali gwa fudhapo no gwa tameke ishewe muAguste.
“Oshikando shino omulilo ogwa li omukumithi oshoka ogwa fikepo oondunda ndatu poshikando, moondunda mono omwa pila iinima ayihe yomegumbo mono mwa kwatelwa nomizalo dhosikola dhaanona,omambo gawo oshowo oombete nomakumbatha, oshinima shika otashi kumitha ngele oto tala iinima mbyoka yili mondunda oyo ta yipi ihe ekuma italipi,” Hangula ta ti.
Omukulupe ngoka ali a talelwapo megumbo lye okwa li ta monika a ngwangwana no ta ti kena shoka ta hokolola , oshoka okwa dhengwa pevi unene. Kuku Mukwaanyoka ta ti omulilo ngoka ka ye shi kutya ohagu zi peni yo ethimbo limwe ihaya kala ya tema omulilo.
Pethimbo ndino aanegumbo ndika ohaya lala pondje molwaashoka anuwa oya tila pamwe otaya ka pila moondunda. Taya hokolola kutya oyindji yomiikulya yawo oya pila megumbo naambyoka ya hupapo oyeyi tula owala pondje yoondunda.
“Otatu kongo ekwatho moshigwana notwa pumbwa tu kwathelwe moshinima shika, oya pumbwa woo ya pewe omayele kutya naya ninge shike, “omulilo nguka ogwe tu lulila noonkondo notwa pumbwa ekwatho mbala , oshoka oondunda dhetu niinima yetu megumbo oya pyapo no katushi kutya otatu ningi ngiini,” taya popi ngaaka.

3 COMMENTS

  1. This is so sad. Father Lord have mercy on us all.all I can say is that all shall be well in Jesus name. I refere this family to pastor Kalenga in Oshakati to pray for them. I am positively sure that if they seek this man of God, they will never experience this in their house.

LEAVE A REPLY

Please enter your comment!
Please enter your name here