Okuza mohokwe yokunduluka noku shita po iilimbo

0
176

KuSelma Neshiko

WINDHOEK –Iizalomwa yi na iilimbo yoshiNamibia oya tameka oku hokiwa kaakalimo oyendji.Yo mbika oya ninga wo ongeshefa ndjoka aantu oyendji unene tuu aagundjuka ya hogolola okulandula
Oku kala noshilimbo shoye mwene kaanangeshefa oyendji oshinima shotango oku imonena iiyemo omanga ku yalwe shika osho okushitapo oshilimbo oshiNamibia molela.
Okwa itaalwa kutya oku etapo oshilimbo shoye mwene otashi vulu okutamekwa pomimvo kehe , ihe komunamimvo 35 , Boldrin Titus oku eta po iilimbo okuli mombinzi.
Titus oye omutoti po namwene gwehangano lyoku nduluka uumbindja niizalomwa hali ithanwa BC Apparel. Ye okwi itaala kutya okwa valwa nuunongo noshowo uunkulungu woku etapo iilimbo onkene oshitalendi shika okwe shi ulike moku tula iilimbo ye kuumbindja.
BC Apparel iizalomwa iipe yopashinanena hayi zalwa unene miilando naambika otayi vulu okuyelekwa niizalomwa ya tseyika nawa muuyuni ngaashi mbyoka yiilimbo yoEcko, Bad Boy, Quicksilver, DC “Droors Clothing”,oku tumbulapo ashike yimwe yimwe.
Oshilimbo ohashi ithanwa BC Apparel. Moka BC a kalelapo Boldrin Conwell, omadhina gotango ga mwene gwehangano ndika , neigidho tumbulo tali ti ‘Locally Made, Internationally Inspired’ tali fatululwa Ya longwa moshilongo , ya Nwethwamo paigwana. Ethano lyoshilimbo olya thikama moondanda BC dha dhiingolokwa kokawe noshikoloni kombanda shoka sha kalelapo ongushu yiilongomwa mbika.
Titus okwa hilwa kuunkulungu wokuthaneka iinima onkene okwa kutha eithano lyuunkulungu mbuka nokwa longo iilonga mbika uule womimvo 15.
Okwa koneke kutya aagundjuka moVenduka ohaya zala uumbindja wuna omishangelo niilimbo yoko America nenge dhokuEuropa naashika osho she mu kumike opo a a etepo iizalomwa ya BC Apparel momumvo 2014.
“Momalandithilo ka mwali nando iizalomwa yoshili yoshiAfrica nenge yoshiNamibia mbyoka tayi ulike omaukwatya ogendji guuwanawa ngoka haga monika kuumbindja niizalomwa hayi monika moshilongo.Onda tameke iizalomwa yandje yo BC Apparel sho nda landa uumbindja womalolelo mboka nda hala okulanditha. Omwaalu gwokambindja kamwe ogwa li N$1 200 mu kamwe,” Titus a ti.
Titus sho a sindana okuthaneka oshilimbo shemanguluko momumvo 2015 okwa dhiladhila oku etapo okambindja hoka taka dhenge omuthindo kaaNamibia opo mbaka ya kale yu uvite etumba nuuntsa wuukwashigwana.
Okwa ka nduluka po oshilongomwa sha BC konima yomalolelo ogendji naashika osha ka nyanyangidhwa momitholomo omilongo 24 ndhoka odho hadhi zalwa sigo oompaka kaakwashigwana.
Oshigwana osha li ulike ohokwe miizalomwa mbika. Ohokwe yetu oya kumikwa keigidho “Locally Made, Internationally Inspired”.Elalakano lya BC Apparel oku etela oshigwana iilongomwa nuunkulungu mboka wu na omulyo gopaigwana nonando mbika oyi na ethano nenge etumwalaka lyopashigwana.” osho Titus a ti.

LEAVE A REPLY

Please enter your comment!
Please enter your name here