Ovanafikola 80 va pewa omidjalo dofikola

0
180

Bethanie – Ovanafikola veli 80 ova pewa oikutu yofikola, eenghaku, eendjato domambo, nomakumbafa.
Omaano aeshe aa kumwe ongushu N$12 000.00 okwa yandjwa oshivike shaya, kehangano lokuyula eeshi Heron Fishing.
Omaano aa okwa pewa ovanafikola vomeefikola domoBethanie moshikandjohoololwa sha Berseba moshitukulwa sha //Karas.
Omukalelipo waHeron Fishing Petrus Siloka, pefimbo ta yandje omaano aa, okwa tumbula kutya, eyandjo lomaano kovanafikola ava vomeefikola edi dili mbali moshikandjohoololwa sha Berseba, osho oshinakuwanifwa shavo, moku shunifasha moshiwana kwaasho va likola, mokuyula eeshi. Ovanafikola ovo va pewa omaano ohava fikola po Bethanie Primary oshoyo posekundofikola ya Bethanie.
Siloka ta tumbula kutya ehongo olafimana, onghe ovanafikola ovapumbwa oku kumikwa pamukalo keshe opo va dule okulihonga noudiini. Okwa yelifa kutya pamukalo woludi eli Heron Fishing, ota kufa ombinga momulandu womuPresidende woshilongo Omundokotola Hage Geingob, wondungefaneko yoHarambee, oyo taipula ovanhu aveshe va longele kumwe. Onghene pomhito ei Siloka okwa indila ovanangeshefa moshilongo, va topole osho va likola moku ngeshefa moku yambidida ehongo moshilongo, opo oshiwana osho shi li ovaleli vokomongula shidule okulihonga nelitulemo.
Omukulunhufikola po Sekundo fikola ya Bethanie Bernadus Seiber okwa pandula unene Heron Fishing eshi a kwafela ovanafikola ovo veli momhumbwe yomidjalo dofikola nomakumbafa.
Okwa ti eshi oshi li yoo ombinga ye kumiko, lovanafikola opo veli honge vamanamo.

LEAVE A REPLY

Please enter your comment!
Please enter your name here