TUYENI KOLUPALE LA TUYENI

1
281

Okaana ka dala, okaana kakwao

Uuhu! ounyuni wetu twa dja nale okwali muwa, sho osho mu wete alushe ndi hole oku mu pa exuku loinima yomounyuni wonale opo li mu shingile mefimbo lopaife.
Ngeenge ta ku popiwa okakadona ka kula nokeli mefimbo lokuhombolwa mounyuni wonale ko noxo nghee ka dalwa kalye noinyenye, okakadona aka kwali ke na eedula 28, okushiyeleka nee nefimbo lopaife ngeenge ta ku popiwa ekadona eli la mbangula lili mefimbo lopaife,vati oleli li na eedula 17 eshi osho shimwe tashi kupe no ta shi ku ulikile kutya ounyuni apa wa li mboli owa tembukapo ngo nee nale shili.
Omumati eli mefimbo no kwa talikako kutya oo omumati ta dulu noku hombola mounyuni wonale, oyou kwa li ena eedula 33 natango eshi, okushiyeleka nefimbo lopaife ngeenge taku popiwa omumati oo noku li tadulu noku hombola ilo tutye ta etelwa ouvalelo kolupale hano, oyou ena eedula 26.
Mopaife ngeenge owa shakene nokakadona kena eedula 17,eshi to ka tale oto lipula naana kutya eshi oshinovele naana hashii kofikola natango, ndele mboli ei odidi yomwalikadi tashi shiiva nokuli ina nounona veli va 3, omumati ena eedula omilongo 26 ngeenge oto shakene naye mefimbo lopaife owo ku lipula ngo toti ou okamatyona ndele mboli omushamane nokuli mutu a tekulifa nale nokuli.
Hano osho ne twa etapo oshipalanyole osho tashi popi kutya okaana kadala okaana kakwao, kushamukweni to popi, kushoye totale omesho, mehokololo omu ohatu li longomo oku ha longifila ovanamwenyo vakwetu oitya yapuka ilo tu va talele mefano eli kutya mutu ngeenge ondjala oyeya moshilongo ovo vena okufya tete molwaashi ovo vekwetiwe koluhepo, ndele mboli naave oto dulu okufya kondjala.
Tatekulu Adamu ya Shimbidja, nomukulukadi waye Meekulu Telesia ya Shimbidja, oo kwa li a shivika nawa pomukunda wavo Mukwahepo wa Shimbidja.
Ovalihomboli ava okwali va tungila ko Namahoka yaMudipai koushilo wOngha yaNanghoda popepi nOkelemba.
Okwa li vapewa ounona voukadona veli vatatu, Muutwikange, Ndadaleka nonghelo yavo Naituwe, ovalihomboli ava vavali okwa li ovakulunhu veongalo mongeleka yavo ndele nopomukunda wavo ovo kwa li va talikako kutya ovayandji vomayele mawa omolwa okulela kwavo kuwa.
Lopokati opo eshi oukadona vakula tatekulu Adamu na mee Telesia ovakala hava talele ounona vavo ava momunghulo noku lipopila ovo aveke tava ti, poima apa twanyika ngo okulyapo eengombe, vo tava yolo pokati komakanya aveshe tave li tale nawa, ovalihomboli ava nonande kwali veli komesho yoshiwana lopokati opo ova ka kala nokuluumbatele oshiwana nai nokushuula omalaka oo amwe inaa teelelwa nokuli.
Oshoondaxa imwe yonumba manga kwali vaya kongeleka, elongelo Kalunga eshi lapwa, meekulu wa Shimbindja okwa lombwela omufita opo emu pe omhito ye a yandje etumwalaka kovakwaneongalo aveshe ovo a kala a tala kutya ovadalakadi, mee Telesia okwa fikama ndele ta ti, vakwetu pwilikineni ndimu lombwele natu fikameni tu pukulule ounona vetu voukadona ovo veli momaumbo etu omo opo vaa ha ninge omahengu, ngaashi ame Mukwahepo wa Shimbidja oshili meumbo lange kamuna fiku muka kale ehengu ladalelamo omanga inaali fukala.
Ounona vaambulange ovo voukadona navo ove shishi ovo, ye te va ulike ne manga kwa li veli omutumba moipundi aveshe veli vatatu, ye otaimo vali ta ti, nghee ngo ne ndili poima oshili onda kuminina okaana kadalwa kehengu inaali hombolwa, hasho ngo oshityopokelo osho vakwe, ovakwaneongalo vamwe okwa li tavafi oingungumina omanga vamwe kwa li vakumwa ndele okwa li ashike tava tu omadima tava ti mmmmm, vakumwa ngoo ne.
Taa!  teelela ovalihomboli ava vavali va tendelwe enghete koludalo lavo ne, apa ngo tavadi inaa va sheka vali vakwao ndele nokuvaula omalaka mai, opapita ashike oiyOondaxa ivali,ye Tatekulu Adamu naye eshi va kaya kongeleka konima yelongelo Kalunga, okwa indila omufita emu pe okamhito opo a popye novakwaneongalo, Tate Adamu okwa fikama ndele ta ti, haiti vakwe keshe ngo ou una okalume keli meumbo loye oshili kakwata nawa, osheshi ame itai ke lidiinikila nande ounonona vange voukadona tava ka pewapo omadimo kovana vootumba ekutu.
Eshi nashi undiweko kukeshe umwe eli mongeleka omu, ye taimo vali ta ti, nye onye eehepele nye oinona yeni oyo haikala tai kambakana nomaumbo ovayamba omaufiku, apa mwa mona ovayamba hava nangala neehepele openi?
Omuuditeko ngo amushe ndishi? , nghe ngo ndili meumbo lange omo ne tamu kwena oinona yomahengu ya dalwa kooxe veehepele, eshi handipopi ngaha mutu ota pa piti ashike odula ei, muikwao inya ohaifukike oukadona aveshe vatatu ovo veli omutumba mu wete ngaho poshipundi opo,  nande omahengu okweya ne okulya ombelela nawa kumwe neehepele.
Omalaka aa kwali haa longifwa kovadali ava komesho yoshiwana nopomukunda wavo, okwa tilifa oshiwana, na Kalunga eli pombada opo mboli oye ashike ha kala eshi ,eshi ta ningi, mee Teleshiya wa Shimbidja vati efiku limwe okwa shakena nameme umwe wopoushiinda wavo a kuminina okatekulu manga ina aya koVenduka, ye ote mu pula ta ti, haiti Mukwamalanga, wa kuminina ngo okaana okalye hano?
Ta pula ngaho ye ta fiye omate pedu, meekulu Mukwamalanga vati okwanyamukula Mukwahepo woo koShimbidja ta ti, okaana okaMboshono wange ye okwaya ne koVenduka va ti aka konga oilonga kaanave.
Meekulu Telesia ya Shimbindja, vati okwa tameka natango tapula mukwao ta ti, haiti Mboshono ou woye wehengu a mitilepo odula yadjako?
Oshili vakwetu ihamu tila nande, iho tila noku kwatwa komukifi womahengu eshi keli modikwa yoye ngaho takati nghiiiiii, nghiiiii ngaho?
Meekulu Mukwamalanga ta nyamukula mukwao alulika oshipala ta ti, ohandi ningi ne ngahelipi oshili nonande kadalwa kehengu okadalwa komona wange.
Taa!! Kalunga tu eshi hakuti ohaningi oinima itilifa, opapita ashike eedula mbali, ye omukulukadi umwe wopoushiinda manga kwali taende popepi nekove lambulavo, nokakadona keli moshixwa shomudime taka kungu, ye otai meumbo mooTate Adamu aka lombwele ovakalunhu, meme Teleshiya eshi eya ponhele opo okwamona kutya mboli ou ta kungu oNaituwe ou waye wonghelo ya ye, ye ota lombwele vakwao ta ti, mutu endjandja li mu kwete olo, oshili ngeenge okwa kufapo ne endjadja la inakulu Kaimba ka Hanyangha, olina oku mu twaalelela ngaho, omukulukadi wopoushiinda ota yolele tu apa molwashi oku wete kutya oshike tashi kungifa okakadona aka.
Mboli Naituwe ou okwa pewa po ashike edimo komumati womuAngola kwali eya okulifa eengombe dambulavo wedina Jelevasiu, andile kOshixunga moAngola, ndele Tate Adamu okwa li emu taataya molwaashi okwa li andipayapo okakombo shiheli paveta, eshi ashike papita omafiku eli atano, ye Muutwikange ou woshiveli ota lombwele ina ta ti, meme mboli ondina edimo, mee Telesiya ta pula edimo olalye vali hano shiveli, ye ta xukula omahodi momesho moshili? Edimo onde li pewa ku Haiduda ya Kalyati.
omumati ou ta tongwa a yandja po edimo koshiveli sha Tate Adamu, okwali ashike meumbo lavo vemu konga eya okunana odalate ndele lopokati opo Tate Adamu okwe mu taataya eshi a kanifa oshange yaye, ine mu futa nokuli noimaliwa yaye imwe, mboli okwa fiya a mitikapo noshiveli shaye.
Opapita ashike omwedi umwe, ye Ndadaleka ou wopokati naye ota lombwele ina ta ti, meme mboli ame oshili odina edimo,natango meekulu Mukwahepo wa Shimbindja okwa pula okamona noshipala shanyika oluhodi tati, edimo olalye vali hano nhowele yange? Ndadaleka okwa nyamukula ina ta ti, meme edimo ondeli pewa komumati unya ha hongo omipini wokoo tate Sakalia ya Shiweda, ou ngo meme hapangele noumwiyo, unya ngo kwali eya okulutula shekunangela ombwa yambuletu efiku linya meme,  Ndadaleka osho a kala ta hokololele ina ngaho te li pula mutu kutya okwa panda eshi ta hokolola noku tanga oshilume eshi shemupapo edimo, nonande oshili meekulu Mukwahepo okwa li ta kengele omahodi noku li pula kutya mbela oshike sha ponokela eumbo laye ngaha.
Omumati ou ta tongwa ha hongo omipini wo kootate Sakalia ya Shiweda ye oye ayandja oufimba ku Ndadaleka wedina Dineinge, oye hatele eemuku pomukunda wavo talandifa, ashike vo natatekulu Aadamu ihava tu vafife vali molwaashi  tatekulu Adamu okwa li a pangelelwa oumwiyo ndele fiyo opapa ineva futa, mutu Dineinge okweli futa ngo ne yeemwene ngaho eshi a yandya edimo nokumitikapo Ndadaleka wavo.
Ovadali ava aveshe vavali paife oshe valulila ne, moku lipula ne omalaka aa kwali hava ula oshiwana pomukunda noku yandja eemango kutya ou wamono ehengu meumbo loye vati kufa omupini udenge komutwe, moku pwilikina ne oshili oukadona aveshe vamitikwapo oshita omanga ovakulunhu hasho kwali va teelela okwali ngo veshi otava fukike, oshili oshe ve etela oudjuu momitima nokulipula nohoni kutya eshi mbela otave ke shi kuwa peni omanga ovo kwali vayandja omango momukunda kutya omahengu nava tuwe oshiti.
Vati tatekulu Adamu okwa li ta lombwele omukulukadi waye emu ufaana polupale ndele ta ti, oshili Mukwahepo wange, ovana vootumbe ekutu ovalolola mboli wani ndele oshili kava fiilepo ngo nande okaka kashona kokanghelo, osho ashike vetu ningapo ngaha, tatekulu Adamu nghee ayaamenene koshipundi polupale laye ndele tati, mmmmm woooo! omahengu! tate Adamu okwa xulifa ngaho inadjapo vali opo.
Opapita ashike oshivike shimwe okudja peefya da tatekulu Adamu, ye meekulu Mukwahepo okwa tameka ta ehama eemwengu komutwe, ovana tave mu twala koshipangelo kEngela ashike okwa li sheva ningila shidjuu molwaashi eshi ta tulwa vati komakende omeya otaadudako yee mwene, ye ta ingida vati ta ti, wooooooi woooooi omahengu oyoo vakwetu okwauka mwaame, keeleleni omahengu eli atatu auka kwaame, osho a kala taingida ngaho nafiyo osheshi aka xulifa eli momalyenge moshipangelo shaNgela.
Va namibia, ovadali ava ovafya koshike hano mboli, okomahengu, ilo okohoni, ilo okomikifi ngo de va kwata shili, hano kotokela okanya koye nako otaka dulu okuninga omutondi woye  inamu shidimbwa ye.
JOHN YA TUYENI
MRTUYENI76@GMAILA
CELL 0812988549

1 COMMENT

  1. ho OTOTENDELWA ENKETE KWAMBOKA YEWETE MBELA OYO OKALAKO KOMBANDA YEDU, WALYE NE ESHI KESHE UMWE ANYOLELWA EFIKU LAYE, WALYE NGELE OKUNA MBOKA YASHITILWA OKUYONAGULA OONKALAMWENYO DAVAKWAVO , NGELE OTA KAYA NGA MEULU.

LEAVE A REPLY

Please enter your comment!
Please enter your name here