Amukoto ota indile oshiwana shi mu yambidide

0
296
Katrina Amukoto a kuminina ohanana ya ye yeemwedi dili nhano, a kalela omhile opo pali obashu yaye mo Aus.

Aus – Omunamido 42  Katrina Amukoto otai indile oshiwana shi mu vatele noku mu yambidida, omolwa obashu yaye ya lakata po komundilo, omo omaliko aye aeshe mwa kwatelwa noilandifomwa (ostocka) oyo a hangika a pungula monhele oyo tuu oyo ya pya po sheke.

Katrina ota hokolola kutya oshiningwanima osha ningwa nale pehulilo la Febuluali 2016, eshi obashu omo hakala mo Aus yapyapo komundilo, konima ashike yefiku limwe eshi adjapo aya ko Lüderitz opo aka teelele a mone okanona.

Mobashu okwali a fiyamo omunailonga adja konooli, mo Aus a hangika ashike a ningamo oivike ivali. Omunailonga ou okwa li emu ufana nelalakano opo ee a kale pongeshefa omanga yee ta ka teelela aka mone okanona.

Otaku hokololwa omundilo wa etwa kokalehita oko omunailonga a hangika a tema ndele taufanwa konduda yomalandifilo aka vatele ovalandi, yee tashelelwako kongeshefa, nokalehita oka ka hulapo nokueta opo onduda ipyepo, ashike ina mu yehamekelwa omunhu.

“Omaliko ange okwa pyapo filu nostock oyo ndali nda pungula oya pyapo, ashike fiyo opaife inandi mona nande olo evatelo lasha. Ame ohandihupu ashike mongeshefa, ohandi landifa, oikulya noipumbiwa yefiku keshe. Mobashu omo tuu omo onda hangika nda pungulamo, oshimaliwa shifike N$25 000, nda ningila kutya ngee nda manguluka, nda mono okanona, ohandi kaya ko South Africa opo ndika teke ooilandifomwa yange.  Nopefimbo eli ohanditotolola, ashike oshi li nee shidjuu kwaame, shaashi, paife ondina okanona kashona, nonhele yokudja kandina, ohandidi peenhele da vakwetu ame okamaliwa aka handi mono mokulandifa handikafutupo onhele opo handidi, oshili onda pumbwa evatelo, nande ngoo olo ipeleki neesameende ndi dule okushunapo obashu yange ame ndi dule okuya komesho nongeshefa yange”. Amukoto osho akufilako Kundana.

Kundana okwa ninga ekwatafano nomunambelewa omukulunhu melelo lomukunda o Aus Elizabeth Koopman, okupula ngee oshiponga shomundilo osho sha halakanifapo omaliko a Amukoto, ombelewa yaye oye shi uda. Koopman okwa tumbula kutya, ombelewa yaye oye shi lopotelwa, noyaninga omakonaakono, moshinima eshi.

Ta ti ombelewa yaye oya ninga eenghendabala dokuyandja omavatelo ku Amukoto oshoyo komunailonga oo naye oidjalomwa yaye osho yo yokanona kaye keedula dili nhee nayo ya pila mobashu omo.  Ota ti eembapila opo Amukoto adule oku mona omavatelo, okwe di tuma keembelewa ko Keetmanshoop ashike fiyo opaife oha pula ko ngoo ashike ina ku dja enyamukulo fiyo opaife.

Koopman ta koleke kutya Amukoto okuli umwe womo vanangeshefa vomo Aus ovo tava kendabala nelitulemo, onghene oku udite shili onghenda pamwe naye.

 

LEAVE A REPLY

Please enter your comment!
Please enter your name here