Dixon a pititha okavidio Ou Tere

0
312

 

Omuimbi nomusindani gwomakopi moshilongo ngoka ha imbi oongalo dho RnB no Ma /gaisa, a tseyika nawa Dixon, osho a pititha okavidio ke okape kongalo Ou Tere, oshiwike shapiti.

Okangalo haka kapiti koIntaneta ota ka inyenge nawa no ka talika kaantu yaadha po 1678 koYou Tube, muule ashike womasiku gatatu sho kapiti.

Ou Tere okangalo hoka ka kuthwa moalubuma yaDixon ompe yedhina Happy Place, ndjoka yali ya piti mu Mai nuumvo. Dixon ota ti ongalo ndjika otayi holola eiyuvo lye, opo a mone ompito ombwaanawa mehangano lyoongalo moshilongo opo a ulike oshitalenti she.

“Onda pumbwa ashike opo aayambidhidhi naaholi yoongalo dha ndje ya kale yena omeho gwoku monako nomakutsi gokupulakena, ya mone noya uve shoka handi ningi,” Dixon ta ti.

Ou Tere okangalo hoka ka ningilwa omikwelengendje ku Steven Alvin! Naruseb, nokavidio okathaanekwa kehangano lyoOgopa Inc, eta ka pitithwa ko Ultimate Rhythm Entertainment, pamwe neyambidhidho okuziilila koAfrican Dream no Equipped Dance Academy.

Nonando Dixon ita holeke enyanu lye lyoka viidio haka ka ningwa nuukeka, a ti “Onda mona nale kutya aaholi yoongalo dhandje itaya kuta oku tala okavidio haka.”

Ou Tere oko okangalo hoka Dixon a iitaala kutya ota ka kwatako oshilongo ashihe, oshoka okena omulyo omutoye, gwa ukilila kehe ongalo.

 

 

LEAVE A REPLY

Please enter your comment!
Please enter your name here