Lira a hokolele Namibia olweendo lwe

0
243

 

Okuza sho a pitithile oalbuma ye ya simana yedhina – Feel Good – omumvo 2006, edhina lya Lira olya tseiyika apehe.

Sho a hokolola olweendo lwe okuya ke simano pethimbo a talele po moVenduka omuimbi omSouth Africa nguka, Lerato “Lira” Molapo okwa popi kutya ngaashi ashike onkulungu kehe opo tayi tameke ye na ye okwa li a longo nuudhigu omanga inaa londa pombanda noku simana ngashingeyi.

Okwa ti okwa kondjo nokundopa ndele eitaalo lye  neitulomo oshowo ombepo ye oye mu kwatha opo aadhe mpoka eli nena nonando okwa li shika inee shi tegelela.

Nando okwa tamekele oku imba pomimvo 16 omaimbilo gooyakwawo naangoka a shanga ye mwene Lira okwa tameke noodola 24 mombaanga ye. Ndele pomimvo 28 ye okwa li a mono oshimaliwa shoodola omilliona yimwe okuza miilonga ye.

Lira ngoka eli omuyaluli gomambo paithano okwa tamekele osikola yaanona ena omimvo ne nokwa mana omatrika ena omimvo 16. Okwa li omuwiliki gwoshitayi mbaanga mombaanga yimwe moSouth Africa pomimvo 21. Ndele okwa koneke kutya iimaliwa oshowo omuthika moshigwana kaya li iinima tayi mu etele ombili nenyanyu nokwa ndhindhilike kutya omusika oyo oshinima tashi nyanyudha kuye okuyeleka nokulonga muuyuni womahangano giimaliwa. Nando okwi ilongo oshindji muuyuni womahangano , okwa tokola opo a landule oshipewa shomusiki nokwa mono omukalo gwi ili okusindana ongo omunamusiki.

Lira okwa ti mondjila ye yoku ya kesindano  ongo omwiimbi oya li yu udha omainda ogendji.

Okwa holola kutya kali ha mono iimaliwa ye uuna a holoka mooshowu sho a tameke oku imba na okwa kala ta hupu ashike sho kadhila opo ashike a humithe komeho omusiki ye, shika sha fala wo mpoka kutya okwa li iimbi itaa futwa sha pomathimbo gamwe.

“Onda li nda mono iihuna moku ihola mwene noku kala inaa ndi ingushupaleka.Onda li neitaalo ndyoka lya fala mpoka kutya ondi ishonopeke mwene naashika osha ningi ndje ndi  itaale nondjila yilwe. Iinima ihayi longo shampa  waa na ethaneko lyethimbo ele osho ondjila , pitika opo wu yi nenepeke noku yi ukitha komeho ngoye toyi tyapula nandjika otayi ke  ku etela uuwanawa’osho a ti.

Ondjila ye oya tameke pondondo yopevi  pethimbo iinima ya li ya dhigupala ndele konima okwa ka mona elalakano  lyomusiki ye.

Konima yoku tungapo omathaneko gomimvo ntano dhemwene, meni lyomumvo gumwe okwa pungula iimaliwa ya gwana mbyoka a landitha nayo oshihauto shoka a mana okufuta meni lyomimvo mbali sho eli omuhikingalo.

“Ouna oku kala wi itaala kutya oto ke shi pititha ongo omuhikingalo ngele owuna eitaalo ndika opo owala to sindana. Shoka handi longo onde shi tala ongo ongeshefa , osha li eshongo sho nda tameke naashoka nda koneke ooshika kutya ino kala wa tila okupula ekwatho” osho a ti.

Okwa ti olundji aahikingalo ihaya taliwako nawa kutya oyo aantu taya ti sha omolwa omaihumbato gawo onkene mbaka oya pumbwa okulongitha iimaliwa yawo okwi isila oshimpwiyu.

“Longitheni iimaliwa yeni moku isila oshimpwiyu nawa ndele haku yi hepeka nokwiyulika , inamu mwenya kombanda yaa shoka mwa pumbwa. Aahikingalo oya pumbwa okulunduluka. Ito vulu okulanda iihauto , to longitha po iimaliwa ngoye waa na oshimaliwa shefumviko lyoye”.

“Ilongeni okwi simaneka shika oshinima oshiwanawa okulandula.Owa pumbwa okulundulula onkalo ngele tashiya melongitho lyoshimaliwa, kashishi shoku ulikwa nokwi yulika, ndele kotokela iimaliwa yoye  opo yo yi ku kwathele noku ku sila oshimpwiiyu.Uuna wi isimaneka mwene ongo onkulungu aantu nayo otaye ku tala wuna elandulathano na otaye ku simaneke wo” okwa gwedhapo a ti aahikingalo oyena okukala yena uuyelele  oshowo okwiilonga yoyene.

Lira okwa hala oku dhimbulukiwa ongo nkulungu yAfrica ndjoka ya ulike uunyakwa oshowo ye etapo oshindji  moshimpungu shomusiki.

“Ngame onkulungu ndina enwethemo , esiku nda tsakaneka ohole, shika osho nda kala nda hala okutilahila muuyuni. Osha kala iilonga yuudhiginini ndele nando ongawo shaalula oshina ondjambi.Ngame ondi ihumitha komeho. Omalandithilo moNamibia omashona  ndele ngoye ninga omweeti gwelunduluko.Oompito odhindji otadhi ka holoka  onkene lundulula onkalo yoye no ino longitha okana koye okwi thinga”.osho Lira a ti  ngoka iiluku ye mwene ongo onkulungu momainyanyudho

Okwa valelwa mo Daveyton, sha Johannesburg East Rand. Edhina lye ota li ti ohole moshiSesotho na oha popi omalaka gane. Ye onkulungu ya pewa omapapa goplatinum ogendji osho wo okwa mona omapapa geli omulongo nalimwe  gomusika okuza moSouth Africa.

Lira-full Lira-fulll

 

LEAVE A REPLY

Please enter your comment!
Please enter your name here