Maestro a pititha oAlbum ye yotango

0
275

 

ONGWEDIVA-Oalbum ndjoka ya tseyika nedhina No Pain No Gain oya li yi ihanene omapandaanda omwedhi gwaziko, noya li ya kwelengendja mooradio odhindji moshilongo.

Willem Iiyambo a tseyika nawa Maestro ngoka a kala ashike nokwiimba omathimbo gaziko no ka li ena iihikomwa yili moalbuma okwa pititha ehwata lyoongalo  ndhoka oombwaanawa.

Kundana sho a suukulula oalbuma ndjika uungalo auhe owa li ta wu endepo okamukwikolo oshoka uungalo auhe ota wu endele pamwe nethimbo no wa guma omapipi agehe.

Okangalo ngaashi Omotuli hoka ye ahika na SunnyBoy opamwe na M-Jay okeli kamwe komuungalo uunene moalbuma ndjika na ota ka ka tsimika ontsi piituthi oyindji nuumvo.

Oongalo odhindji moAlbuma ya Maestro odholudhi lwo Kwaito-Hip hop, ta mu gwedhwa oludhi lwoKwiku noGospel onkene kapuna omuntu ta kala ena etompelo oku kala keena oAlbuma ndjika oshoka otayi monika ya longekidhwa nethimbo, noya guma omuntu kehe. Kokutya kehe omuholi gwoongalo oku na mo ongalo yomukwelengendje nenge yelaka ndyoka a a hala oku uva moongalo.

Okangalo Oluyana nako oke li ta ka uvika  moodisiko odhindji oshoka na ko okena oongoma dha nukapo moka eli ta tanga omukunda gwawo Oluyana ndoka luli mOluteyi .

Mokangalo muka ota pula kuku gwe gwaNegumbo kutya opo eli na oku li nawa opamwe nootate Juli nootate Iiyambo shoka tashi holola nokutsika ombepo yuupenda maanona aashona kutya kehe mpoka yeli otaya vulu okweetapo sha.

Oalbuma oya pakela uungalo auhe kumwe wuli 17 moka a longa naahikingalo ngaashi Fishman,Jason& Stars, Exit, Leo-Boy, Satlam nosho tuu.

 

LEAVE A REPLY

Please enter your comment!
Please enter your name here