Moussongela okwa piyaganeke oonkalamwenyo dhaanona

0
429

 

ONDANGWA – Gumwe gomaavali yaanona mboka  yali ya kuthwamo moshilongo shaali papitikilo nopahalo lyaavali okwa holola, omayehamo ngoka ya etelwa konima sho ya adhika kuupyakadhi mbuka.

Eba Katemo omuvali gwa kamwe komuunona mboka wuli iihakanwa momahepeko gomulumentu Pedro Marcelino Moussongela, oyu uvite uudhigu omolwa iinima yowala mbyoka ya longelwa aanona yawo.

Katemo okwa holola kutya okanona ke okali haka sikola posikola yomulumentu ngoka mOngwediva, mpono ka sikolapo ondondo onti-2-4, no ka kaya kosikola yimwe sho ka mana ondondo ndjoka ontine.

“Omumwandje nguno konima sho eli mondondo onti-12, limwe lyomomasiku otwali twayi naye mondoolopa mono twa tsakanene Moussongela, nokwa dhimbulula okanona hoka, okwa kala teka pula kutya oka hala oku kiilongela shike ngele ka mana osikola yako, molwaashoka okali ka ti oka hala okwiilonga uundohotola omulumentu nguno okwa li a uvaneke kutya oteka tumu kosikola kondje yiilongo, ko ke kiilongele uundohotolola mboka ka hala,” Katemo ta ti.

Omuvali nguka ta ti okanona haka konima sho ka mana osikola yako okali kayi kOvenduka opo anuwa k aka tumwe kosikola komulumentu ngoka. Okwali eke ka kwathela opo ka ka udhithe ko ka vule okuya kosikola kondje yiilongo hoka (UK).

Okakadhona hoka anuwa okali haka hiile pehala lyontumba mOvenduka mono ka kala haka futilwa komulumentu ngoka ohiila, “Thimbo limwe okali hake tu lombwele kutya oha kayi kiilonga ihe nani adhihe iifundja yowala, onda kala ngaa nee tandi ipula molwashoka onde ku uva omapopyo kutya omulumentu ngoka haye naana, oha ningile uunona omahepeko nokuwu landithapo,” Katemo ta gwedhapo.

Omuvali nguno okwali a lombwelwa kaashiinda kutya okamwana hono mpa haka kala haka hiile okatembukapo , ko anuwa okaya kondje yiilongo. Oyali ya kutha osheendo opo ya ka kwashilipaleke ngele ndhoka tadhi popiwa odhina tuu uushili, oyali ya adha okanona kaa kepo noya tameke taya ningi omapekapeko.

“MuKotomba go2015 otwali twa mono kutya okanona hoka oka zamo moshilongo nondhila ndjoka ya hulila mSouth Afrika, nani oya ninga omakwatathano opo ya ka tsakanene yo yaye ko UK , oyali ya yi ye ta thigwako omusamane ta galukile koNamibia, onda kala nokukonga koomalungula sigo nda mono kutya okuli peni sha pitile moFacebook ye,” ati ngaaka.

Pamwe naakwanezimo oyali ya ningi oonkambadhala opo okanona hoka ka galukile kegumbo, molwashoka nako okaka mona kutya nani otaka lungithwa oontaku dhomeya. Okali ka galuka muJanuali gomvula ndjika, taka hokolola shoka sha ningwapo, nonande keli mengwangwano. Katemo ta ti okamwana ke, kamwe komaanona mboka yali ya falwa kondje yoshilongo shaali pahalo lyawo.

Pethimbo ndino otaku hokololwa aanona yethike puyatano (5), ya kuthwa po pooyina noya falwa kondje yoshilongpo ihe ka puna uuyelele wa yela kutya anuwa oyeli naana peni, nolye teya sile oshimpwiyu.

Human-tra Human-traf2

 

LEAVE A REPLY

Please enter your comment!
Please enter your name here