Namibia momhumbwe inene yohonde

0
183

WINDHOEK -Nande Namibia opo a dimbuluka efiku lokuyandja ohonde mounyuni, mu Juni, moshilongo omu na omumbwe yohonde neenghono adishe. Edi ngeno keshe efiku otadi yandjwa kovanhu va yooloka okudja keembinga doshilongo, ku kandulwe po omumbwe yohonde . Ouyelele owa yandjwa  kuTitus Shivute omunamabelewa koshitukulwa shomapukululo mehangano Blood Transfusion Service of Namibia.

Shivute ta yelifa kutya, ehangano ola pumbwa meendelelo eeUnits 267 dohonde yoO+, eeUnits 11 dohonde yoO-. Omhumbwe oya etifwa okudja momafiku omafudo opashiwana , tai djuupalekwa vali ketunhilo loshinghwenyenye noRubella la ningwa moshilongo.

Ovanambelewa vokwoongela ohonde inava ongela ohonde  momafiku oo noiponga onghee tai tane. Nande ehangano eli li na eembelewa moWindhoek, koSwakop noWalvisbay natango otali pumbwa kukala neeklinika koitukulwa ya yooloka li wanife ohonde.

Omunambelewa wehangano lokwoongela ohonde okwa yelifa kutya omolwa oiponga hai holoka keshe efiku, omikifi hadi eta ovanhu va kanife ohonde ngaashi okankera, omalaria, ekano lohonde molutu, etando, oludalo, ilo ouhanana hava dalwa vehe na oikondjifo molutu ohava pumbwa ohonde. Shivute okwa weda po kutya ohonde yoO- ohai kwafa ovo ve li keshe umwe e na ohonde yoludi loO- nouhanana, nonande omaludi eehonde adishe edi odo unene da pumbiwa shaashi ohadi longifwa pamhumbwe domaludi ado ngaasho ovo ve na eehonde doO+ keshe tai ya po. Osha etifa moshilongo mu kale omumbwe yohonde yeeUnits 800, no ina kuyandjwa  kukeshe ou a monika ei pumbwa.

Shivute ta fatulula kutya, Namibia oku na ovayandjihonde ve fike pomayovi 16000 ve lile po 0,8% dovakalimo. Okwa indila keshe ou e na oukolele e na eedula 16-65 e na oshiviga sheekilograma okudja 65 aka yandje ohonde. Kakele kaavo ve na omikifi ngaashi osuuka ilo hava nu omiti donhumba itava dulu kuyandja ohonde.

Omhumbwe yohonnde oya fininika oilyo yehangano loBlood Transfusion Service of Namibia i kale noku talela po eenhele da yooloka nokwoongela ohonde.

 

 

 

LEAVE A REPLY

Please enter your comment!
Please enter your name here