OvakwaLuteli vo koNdowishi va yandja omaano moLuderitz

0
229

Lüderitz – Ongerki onghwa Luther momaongalo oshikandjo sho ko uninginino wa Ndowishi oya yandja omaano komaongalo ova kwa   Luther modoolopa ya Lindili oSoondaha sha djako.

Osheendo shovaNdowishi ve li 30 oshali sha mona omhito opo shikale melongeloKalunga mongeleka ya ELCIN meongalo la Eben Ezer mo Lindili Oshoondaha osho twa dja 28 August 2016. Mosheendo eshi omuna ovashiki vomanghuma veli omulongo, novali va mwenyeka elongeloKalunga eshi vali tavaimbi nomanghuma.

Meongalo la Eben Ezer ova yandjamo omaano embako oshoyo omika  yokupopila.

Osheendo osha ka ongala no va kwaneongalo la Exodus longeleka ya ELCRIN  efiku tuu olo lOshoondaha moshanga shomutenya potundi 15h00 mosaala yeongalo la Exodus, omo ovashiki vomanghuma veongalo la Exodus va waimina ovashiki vomanghuma vokuNdowoshi, nokuimba pamwe.

Eongalo la Exodus ola pewa omaano omanghuma eli a 4, nongudu yo lwiimbo yomanghuma meongalo oya pewa N$1000.

Omuwiliki wongudu yokushika omanghuma meongalo la Exodus Herman Esterhuisen okwa tumbula kutya oukaume pokati kavo, nova Ndowishi ava, owa hovela modula 2012, eshi omufita woko Ndowishi Karlfrieder Walz  oo ekwetele komesho osheendo, ali eya okuyakula mongeleka yovakwaLuther Ovandowishi mo Lüderitz oule weehanhi dili 6.

Esterhuisen ta yelifa kutya pefimbo olo ovali va pula omufita Walz, eshi ta shuna koNdowishi opo ve vakwafele ve va tumine omanghuma. Esterhuisen ta pandula eshi vapewa omanghuma, ta ti, omanghuma otaa wedwa pomanghuma oo hava imbifa melongeloKalunga meongalo, no poivilo ya yooloka modoolopa.

Ne lineekelo la Esterhuisen olo lo kutya ongudu yovashiki vomanghuma meongalo la Exodus otaika nenepala, omolwo omanghuma oo awedwapo.

OvaNdowishi ova fikile mo Namibia moshivike oshititatu shohani ya djako no va shuna ko Ndowishi nena.

german-church-2

LEAVE A REPLY

Please enter your comment!
Please enter your name here