Uudhano waKilimandjaro osho wa thiki

0
245
Pethimbo uudhano mbuka wali wa tseyithilwa iikundaneki mOshakati omasiku ga ziko.

OSHAKATI-Konima sho oshiputudhilo sha Kilimandjaro sha li sha pewa okapandi koodola N$ 100 000 komunangeshefa Erastus Mvula , Joseph Benhard okwa kala ta longo omutenya nuusiku opo eete uudhano wopamuthika gwopashigwana koNooli yoshilongo, mboka ta wuka kalako Olyomakaya ta ge ya mOshakati.

Michael Benhard okwa tegelelwa opo aka ye mondambo na Johannes Kutumba ngoka ta ka pingenapo David Shinuna ngoka oye ali a ulikwa petameko.

Ota shi ka kala oshikando shotango Kilimandjaro ta longekidha uudhano wopamuthika gwopashigwana, onkene aakwashigwana oya tegelelwa ya ka holoke pomatala omape momasiku 10 ga Septemba 2016 okuza potundi ontiheyali yokomatango.

Benhard okwa ti uutekete ota wu monikwa poongesefa dhaShoprite noUsave moNooli nosho wo Shoprite Checkers no Computickets muushimba.

Okwa ti mboka itaya ka vula oku mona uutekete, ina ya pumbwa oku tila oshoka ota ya kapewa ompito okulanda uutekete pomweelo esiku lyuudhano.

Josef Benhard ta tsikile noku komba omunangeshefa Erastus Mvula kombunda ta ti shoka a ningi ita shi ka dhimbiwa nande mondjokonona yuudhano moNooli onkene ota indile aanangesefa ayehe opo ya kutheko oshiholelwa yo ya yambidhidhe omaudhano naashoka yena po.

Uudhano wa Michael Benhard ota wu ka tetekelwa komalugodhi geli gaheyali ngoka nago itaa ga ka nuwa omeya.

 

 

LEAVE A REPLY

Please enter your comment!
Please enter your name here