Uudhano wekopi lyaMetropolitan-Swabou Summer Cup

0
202

OSHAKATI-Iitopolwa iheyali yoshilongo oya tegelelwa yika ninge shanamutango Olyomakaya tageya momasiku 10 sigo 11 oku kondjela ekopi ndyoka ha li dhanwa ashike koosikola dhooPrima noshowo eeCombinedskola.

Ekopi ndyoka lya tamekelwepo kiitopolwa ine yokoNooli, Oshana Omusati Oshikoto nOhangwena olya koka sho ngashingeyi ta li dhanwa kiitopolwa yili iheyali yomoNamibia,kwaambika ine okwa  gwedhwa oshitopolwa  Erongo, Karas oshowo Hardap.

Kehe oshitopolwa ota shi ka eta enyakwa ndyoka ta li ka kalelapo oshitopolwa shawo, moka oshitopolwa shaShana ta shi ka kalelwapo kosikola Oshekasheka metanga lyokoompadhi nosho wo metanga lyomokambamba.

Omukwatakathi guudhano mbuka, Toini Kasheeta omunambelewa muuMinisteli womaudhano mOshakati okwa ti olweetho lwa hugunina otalu ka dhanwa muule wehuliloshiwike tali ya moka enyakwa tali ka tothwamo mOsoondaha ndyoka ta li ka toolapo okapandi ko N$ 15 000 oombandi dhoshingoli , ekopi noshowo iizalomwa yetanga.

Okwa ti omusindani omutiyali ota ka yambulapo okapandi koN$ 9000 oombandi dhoshisiliveli noshowo iizalomwa yetanga.

Ehala etitatu osikola otayi ka pandulwa nokapandi ko N$ 6000, oombandi dhoshikushu noshowo iizalomwa yetanga, ngoka te keya pehala etine ota ka pewa N$ 4000, noshowo iizalomwa yetanga.

Iitopolwa itatu yahupako kehe shimwe otashi ka pewa iizalomwa yetanga ongolupandu sho ya li ya kutha ombinga.

“Otwa tegelela iitopolwa yetu yokoNooli opo yi ka tule ombunda moshihwa opo ekopi lyi thigale megumbo kombinga ndjika ngele otashi vulika.” Kasheeta a ti. Pethimbo ndika enyakwa lyetanga lyokoompadhi Ehafo Combined School omanga enyakwa lyonetbal Tsandi Combined school.

 

LEAVE A REPLY

Please enter your comment!
Please enter your name here