Uudhano woYoung African Soccer Academy we ende nawa

0
193
Osipana yOshana ndjoka yali yasindana ekopi lyo The Namibian Newspaper Cup moka aadhani oyendji haya zi miiputudhilo yaadhani yomo mu dhingoloko.

ONGWEDIVA-Osipana yo Young African yokohi yomimvo 17 oyo enyakwa lyuudhano wo Young African Soccer Academy konima sho ya li ya dhengemo osipana yo Young United 2-0 medhingoloko lyahugunina.

Muudhano waadhani yokohi yomimvo 15 Young United yokoshilongo shoolema oya li ya dhenge osipana ya Khuse yokohi yomimvo 15 okoola 1-0.

Oosipana ndhoka dheya pehala lyotango odha li dha pewa olupandu lwo N$ 700 nekopi, omanga oosipana ndhoka dheya pehala etiyali odha li dha toolapo okapandi koodola 500.

Osipana yokoWalvis Bay yo Young United oya li ya longo nuudhiginini sho  oosipana dhawo adhihe dha li dha dhenge mo oosipana odhindji nokuya kedhingoloko lyahugunina nando osipana yawo yo U/17 ya li ya hakele mendangalati lyo Young African, osipana yawo yo U/15 oya li ye shi pondola  okusindana po ekopi lyomoshiviha shoka.

Omukwateli komeho guudhano mbuka Ndjeimo Tobias okwa ti mbuka owa li wa ende nawa lela nuumatyona owa li wa mono ompito opo wu dhane omaudhano gopandondo yopombanda.

Uudhano mbuka oha wu kwashilipalekwa kosipana yo African United ndjoka ha yi shiningi kehe omumvo oku eta uumatyona uushona pamwe opo wu humithe komeho iitalenti yawo.

Konyala oosipana dhili 12 odha li dha kutha ombinga muudhano mboka wa li wa dhanwa oku uka pehulilo lyomwedhi gwayi, oospana ndhika dho U/15 no U/17 odho ha dhi  kwathele okugandja aadhani kosipana yOshana yaadhani ye li kohi yomimvo 20 ndjoka ya li ya sindana po ekopi lyoshifo sho The Namibian nuumvo.

 

 

LEAVE A REPLY

Please enter your comment!
Please enter your name here