A yi miipandeko sho ha tsu omukadhi nominwe

0
433

 

ONGWEDIVA

Opolisi mOshitukulwa shaShikoto oya manga nokutula miipandeko omusaane omugundjuka molwaasho anuwa a kala nokuhepeka omukadhi paihulo noku mu ningila omatilitho gedhipago.

Omusamane nguka omunamimvo 27, anuwa okwa kala nokuhepeka omukiintu gwe gwomimvo 34 okuza omvula ya ziko, ye omukulukadhi gwe, opo owala a lopota omahepeko ngaka kopolisi Omaandaha goshiwike shika.

Uuyelele wa gandjwa kOmupopiliko gOpolisi mOshikoto Chief Inspector Stephan Nuuyi ota ti, omulumentu ngoka itaa tumbulwa kedhina anuwa okwa kala ta hepeke omukiintu gwe, te mu lundile kutya nguka oha yi miihulo naalumentu yalwe.

Mokuninga omalundilo ngaka, omulumentu nguka anuwa oha kwata omukiintu gwe e ta tameke oku tsa nominwe piilyo yiivalithi, ye temu tilitha kutya ote mu dhipaga.

Molwaashoka omadhina giihakanwa yekwatokoonkondo iha ga vulu oku tumbulwa omukiintu nguka nomulumentu nguka mboka haya kala pegumbo lili molukanda lwaKuvukiland moTsumeb nopOshivelo, nayo omadhina gawo ita ga vulu oku tumbulwa. Ashike Nuuyi okwa tseyitha kutya omahepeko ngaka oga kala noku ningilwa pomalukanda agehe gaali, mpoka hapu kala omusaane nguka nomukadhi.

Mongashingeyi omulumentu nguka eli omufekelwa okwa patululilwa oshipotha shekwato koonkondo, noshoku ehameka omuntu pamukalo gokumuningila omatilitho, niipotha mbino iyali oya patululwa kohi yokatendo komahepekathano gomomagumbo.

Omulumentu okwa holoka mompangulilo yaMangestalata gwaTsumeb mEtiyali lyoshiwike shika.

LEAVE A REPLY

Please enter your comment!
Please enter your name here