Deizzy ota ka kalelapo Namibia mo USA

0
284
Deizzy ngoka ta ka kutha ombinga methigatano lya MissAfrica mu USA mu Novomba nuumvo.

Windhoek

Kamwe komuukadhona dhingi moshilongo, Dorcas “Deizzy” Mbevo, oka hogololwa opo ka ka kalelepo Namibia methigathano lyuukadhona dhingi lyaMiss United States of America (USA), ndyoka tali ka ningwa muNovomba nuumvo.

Deizzy ngoka ngashingeyi e li  mo (USA), okwa holola eiyuvo lye lyonawa  ta ti nonando oku li a fa a tila kashona molwa ethigathano ndyoka enene, ye okwa tokola a manamo.

Okakadhona haka oke shiwike nawa moNamibia, unene molwa ohokwe yako yoku kutha ombinga momathigathano goludhi nduka, ga yoolokathana. Deizzy okwa li a tameke okukutha ombinga momathigathano ngaka manga ena oomvula 19, nokwa sindana iikoloni oyindji.

Okwa li ishewe a kalelepo Namibia komathigathano ogendji gopondje yoshilongo ngaashi ndyoka lyo Miss Commonwealth International naMiss Global International.

Okuza momuvo 2011 sigo 2014 manga eli moshilando, Deizzy okwa li a sindanapo oshikoloni sha Miss Youth Namibia mo 2013, nokwa kala oye omukalelipo gwaagundjuka moshilongo kohi yehangano lyo National Youth Council. Mo 2014 okwali a sindana oye okakadhona dhingi moshiputudhilo sha IUM.

Kakele ashike kwaambyoka, Deizzy okwali ishewe a mono ompito yoku dhana mokanyandwa komoshilongo kedhina “Don’t Kiss and Tell”.

Momukokomoko gwoomvula ndhoka, okwa kala noku gandja koothigwa ngaashi iikutu niikulya.  Omvula yaziko okwa li a totopo ehangano lye lyedhina “The Heart of Deizzy Foundation” ndyoka lili tali taandelitha elongo maanona naagundjuka, notali kwathele mboka ihaaya vulu oku ikwathela yoyene.

 

 

 

 

 

LEAVE A REPLY

Please enter your comment!
Please enter your name here