Enota muNehale Lya Mpingana lya teka ombunda

0
261
Aakwashigwana moshikandjohogololo Nehale lya Mpingana taya hugile iimuna yawo okuza moondungu ndhoka ya hupa. Oshitopolwa shika osha gumwa unene noonkondo kompumbwe yomeya.

 

OKANKOLO – Oshikandjohogololo Nehale Lya Mpinga moshitopolwa shaShikoto osha tegelela natango okutungilwa oombola dhomeya mbala omolwenota ndyoka oshikandjo shika shina.

Etungopo lyomithima ndhika olya tegelelwa okuningwa konima sho Ngoloneya goshitopolwa shoka Henock Kankoshi a li a mono ekwathelo lyoshimaliwa shi vule poN$364 607,80 okuza kOshikondo Shoku kondjitha Oluhepo opo omboola ndhoka dhi vule okutungwa moNehale Lya Mpingana.

Oshikandjohogololo shika osho shimwe shomwaambyoka ya dhengwa unene, kompumbwe yomeya gaantu niinamwenyo. No manga mbaka ya tegelela oombola ndhoka dhi longwe ohaya faalelwa omeya kololi yotenga okuza kOshikondo shOmeya poombelewa pOnankali.

Aakalimo yomomikunda ndhoka dhili moshikandjohogololo shoka osho wo iikandjohogololo yopuushinda ohaya ende iinano iile taya ka konga omeya, yo yamwe taya lala pomahala mpoka hapu monika omeya ya tega ngele kwashi yo ya ye komagumbo uuna ya teka.

Oyendji oya kala noku kema nosho wo okukuga kepangelo sho ya kala ye wete yafa ye ekelwahi. Nonande elelo lyoshitopolwa lya longa no tali kambadhala ngaashi tali vulu opo li kandulepo omukundu nguka gompumbwe yomeya, omolwa omashongo ngoka ga taalela oshitopolwa otashi kutha ondjila onde opo li gwanithepo ayihe mbyoka ya pumbiwa.

“Omolwa enota ndyoka lya kala lya geya unene  miikandjohogololo yetu , otwali twa ningi oonkambadhala opo tu konge omakwatho kuuministeli wokukondjitha oluhepo nonkalathano mboka wuli mewiliko lyaMinista Zephania Kameeta, uuministeli mbuka owa yamukula mbala pwaana omaongaongo noshimaliwa shomwaalu ngoka gwa tumbulwa,” Kankoshi ta ti.

Oyendji yomomikunda ndhoka dhili moshikandjohololo oya hokolola kutya otaya dhengwa unene kenota ndyoka li ihanena konyala oshikandjohogololo ashihe. Oyendji ohaya longitha omeya gomomatope shito ashike molwa omvula ndjoka inaayi loka nawa oomvula ndhika , omeya oga pumba no kayena mpoka taya vulu ya kuthe omeya, taya hokolola kutya shino ohashi ya langitha nondjala oshowo nenota oshoka ka yena mpo taya mono omeya.

“Elelo lyoshitopolwa olyali lya kambadhala opo li tu ningile oomboola ashike omboola dhimwe odhina omeya omalulu unene no itaga vulu okulongithwa kaantu, odhindji dhomoomboola ndhoka odha teka no ihadhi longo we, otwa pandula unene sho twa yamukulwa mbala lyo enota li kale ngaa ne lya hwepopala moshitopolwa,” Akwashigwana taya pandula ngaaka.

Ngoloneya Kankoshi okwa ti oomboola ndhoka otadhi ka kala dha longwa mbala nehala mpoka tadhi tulwa  olya ulikwa nale, okwa pula aakwashigwana ya ulike elongelokumwe lyawo komahangano ngoka ta geya ga tulepo oomboola ndhoka.

 

borehole2 boreholes

 

LEAVE A REPLY

Please enter your comment!
Please enter your name here