A imangelekela menkolo lyaUnam

0
376

ONGWEDIVA-Omulumentu ngoka a li a lopotwa a kana moshitopolwa shaMusati omwedhi gwa zako okwa  monika a adhika imangeleka mondhalate ya Unam  mOgongo.

Sam George Shilongo gwokomukunda Oningilamo okwa adhika a sa a ola mondhalate yoshiputudhilo sho pombanda shaUnam moshikandjohogololo shaGongo mOmandaha goshiwike shika.

Shilongo nguka okwali a monika lwa hugunina momasiku gahetatu gomwedhi gwa ziko ihe opo wala omudhimba gwe gwi itsuwa ongula yOmaandaha ngaka.

Omupopiliko gwopolisi yaMusati Warrant  officer Lineekela Shikongo okwa ti kutya nonando Shilongo okwa kanene momasiku ga hetatu okwali owala a lopotwa kopolisi momasiku geli omilongo 20 gAuguste.

Okwati opolisi pamwe naapambele ya nakusa oyali ya adhika yeli molukongo olunene oshoka ongodhi ya nakusa oyali ya dhimi okuza esiku ndyoka a ihulwa megumbo.

Shikongo okwa ti olutu lwa nakusa olwa monikwa kaakwashigwana mboka yali taya ende po mpoka a imangelekela nondhalate yostala.

“Olutu ndoka olwa itsuwa lwa ninga nayi noonkondo, na ka kushiwike kutya okwa ikutha omwenyo uunake. Otashi vulika ashike a i kutha nande esiku ndyoka a ihulwa megumbo,” Shikongo ati ngaaka.

Okwa ti nakusa nguka ina thiga po nande omukanda tagu ulike kutya omolwashike iidhopaga.

 

 

LEAVE A REPLY

Please enter your comment!
Please enter your name here