Oiponga yomatuwa oya shuna poshi kanini

0
222

ONGWEDIVA – Oiponga yomeendjila oya shuna ashike poshi kaniingholi neepelsenta 30 pakwiiyelekanifa noiponga ya ningwa moNamibia momwedi ou odula ya dja ko 2015. Ouyelele owa yandjqa komunambelewa wehangano loMotor Vehicle Accident Fund, Victoria Amutenya koshitukulwa shehongopukululo kelaameno loiponga meendjila.

Amutenya ota ti, kakele komwaaalu waavo va monena oiponga momatuwa sha shuna poshi shi fike 37%, omwaalu wovafi nao owa kuluka poshi kaniingholi shi fike 13% paku u yelekanifa noiponga ya ningwa moshivike shotete shaSepteba 2015. Oiponga ya ningwa meendjila doshilongo pokati Auguste 29- Septeba 04, 2016 oi li 67, nomwa fila ovanhu 13 omanga odula ya dja ko pefimbo eli omwa fya ovanhu 15, novanhu 124 ova mona oiponga oshivike sha dja ko..

Amutenya omunambelewa wehongpukululo koiponga yomeendjila okwa twikila nokukunghilila oshiwana kutya, ombelewa yo MVA Fund otai pukulula oshiwana shi angale oiponga yomeendjila nelinekelo pa pite nande efiku limwe mombelewa inamu yakulwa eindilo ngee lomunhu a fya ilo a mona oshiponga.

Nande omwaalu waavo va fya moiponga odula ya dja ko 2015 pefimbo eli owa li 482, momudo 2016 ovanhu  468 va fila moiponga osha ulika kutya, natango ovanhu va fya ovahapu. Amutenya oku na eipulo kutya, kuDeseba ohatu ka fika ko twa kanifa vangapi ngeenge itatu lundulula omikalo dokushinga kwetu? Omwaalu woiponga meendjila adishe daNamibia okudja Januali fiyo Septeba 04, 2016 ou fike 4819.

Amutenya ta weda po kutya oshitukulwa shaKhomas oshi li komesho moiponga yomatuwa, sha landulwa kOshana, Ojtozondjupa. Onghee ombelewa yoMVA Fund itai fi ounye okupukula ovashingi ve luufe keemhango, nelongo oli na okutwikila fiyo ovashingi aaveshe va lundulula oukwatya wavo.

LEAVE A REPLY

Please enter your comment!
Please enter your name here