Omafano gOlufuko ota ga ka ulikwa moshiwike shomithigululwakalo

0
266

 

Windhoek

Ku mboka yali inaaya mona ompito yokuya kOlufuko nuumvo, omafano ngoka gokOlufuko otaga ka ulikwa mongulu ndjoka yomithigululwakalo yo Franco-Namibia Cultural Centre (FNCC) moshilando omwedhi nguka.

Omafano ngaka ota ga ka ulikwa konyala uule woshiwike ashihe okuza muSepeteemba 19 sigo 24, pethimbo lyoshiwike shaNamibia shokutaandelitha omithigululwakalo (Namibia Heritage Week), shoka tashi ka ningilwa konyala moshilongo ashihe.

Gumwe gwomaathaneki dhingi moshilongo, Christian Goltz, oye ta ka ulika omafano ngaka oshali, oshoka naye otaka dhana onkandangala moshiwike shika.

Ehuku lyoshiwike shika nuumvo otali ka kala “Omuthigululwakalo ngoka ihaagu gumwa.” shika osha li sha tseyithwa ko FNCC, Etiyali lyapiti.

Omukuluntu gwomithigululwakalo ngoka aza kehangano lyo UNESCO, Boyson Ngondo, okwa notheleko iikundaneki ta ti ehuku lyonuumvo lyoshituthi shika olya simana oshoka otali longo aakwashigwana nkene yena okutaandelitha nokukalekapo omithigululwakalo dhoshilongo shawo.

Okwa gwedha po ta ti shika otashi tsu kumwe sho Namibia ali a tseyitha natango oshituthi she shotango Shomagongo moNooli, omvula yaziko.

Namibia Heritage Week oshituthi shoka hashi dhanwa kaaNamibia nelalakano lyoku taandelitha omithigululwakalo, nakehe omuNamibi okuna oku kutha ombinga moshituthi shika.

Nuumvo ota pu kakala iinyangadhalwa oyindji yomithigululwakalo pethimbo lyoshiwike shika, mbyoka tayi ka tseyithwa komasiku gokomeho.

 

olufuko-face

 

LEAVE A REPLY

Please enter your comment!
Please enter your name here