Omusati ehala lya gamenwa Shikongo

0
243

 

ONGWEDIVA-Opolisi moshitopolwa shaMusati oya tumbaleke aakalimo yomoshitopolwa noshowo aayenda mboka yali yeya kolufuko sho ya i yutha komalombwelo gopolisi opo ya yande iilonga iiwinayi.

Omupopiliko gwopolisi moshitopolwa shoka Warrant officer Lineekela Shikongo okwa ti pethimbo sigo oompaka, ina pu holoka lela iiponga oyindji ngaashi ha shi kala shito oshoka aakwashigwana oya li ya vulika komalombwelo gopolisi.

Oshituthi sholufuko osha liko pehulilo lyomwedhi gwayi mOutapi moshitopolwa shaMusati.

“Otu shi okupandula oshoka ina pu ningwa omuyonena gwasha nonando opuna ngaa iipotha iiyali ya tulwamo, shimwe oshondjato yiikutu ya yakwamo mohauto , omanga oshikwawo sho compiuta yokomatundji ya yakwa woo nayo mohauto”, Shikongo a ti ngaaaka .

Ashike okwa ti iiningwanima mbika oya holoka oshoka ooyene yoohauto ndhika inaya iyutha komalombwelo ngoka ga gandjwa kopolisi na oyali ya kankameka oohauto dhawo pomahala inaa ga gamenwa.

Shikongo okwa ti kutya shito pethimbo ndika opwali hapu ningwa omuyonena ogundji mwakwatelwa neyako lyiihauto. Ihe nuumvo ka puna nande oshipotha oshinene.

Okwa ti oku uvite etumba kutya oshitopolwa shika ngashingeyi otashi monika sha gamenwa.

Shikongo okwa popi ndhika sho a li ta ngongo uuyelele kombinga yopolisi shinasha noshituthi shika.

 

 

LEAVE A REPLY

Please enter your comment!
Please enter your name here