Omusita Eliakim Iiyambo a hulitha

0
619
Omusita omukulu nakusa tatekulu Eliakim Iiyambo Omuntu Gwakuku ngoka ta fumbikwa ngula mEtilyasa

ETILYSA-Egongalo Etilyasa oli li moshikogo oshiluudhe konima sho lya li lya kanitha omusita gwalyo omukulu ngoka aadhika eli moshipundi shevululuko.

Tatekulu Eliakim Iiyambo okwa li a mana oondjenda dhe momasiku gaali gwomwedhi nguka moshipangelo shepangelo mOshakati.

Tatekulu Iyambo ngoka a tseyika nawa Omuntu Gwakuku okwa li a longo nuudhigu nonuudhiginini moshilonga she, a tameke ongo omuevangeliste sigo a ningi omusita.

Tatekulu Iyambo okwa taandelitha evaangeli momapyatumo nomomagongalo, miitayingeleki noshowo mongerki ayihe ya ELCIN.

Omuntu Gwakuku okwa li a longo momapyatumo ngaashi Amalika, Uutsathima, Etundamindamba nEtoto.

Okwa li a yakula momagongalo ngaashi Okahao, Onakaheke, Oshitowa Esindano nosho tuu.

Tate Kalunga nahambelelwe omolwa iilonga ye mbyoka ali a longo. Oshituthi dhimbuluko she oshili ko nena pegumbo lye mEtilyasa mOngandjera na ota ka fumbikwa ngula okuzilila megongalo lyaandjawo mEtilyasa.

Omwenyo gwatetekulu Eliakim naguvululukwe nombili.

 

LEAVE A REPLY

Please enter your comment!
Please enter your name here