Ya tindilwa yi ifutule mo sho anuwa ya kwata omukiintu koonkondo

0
221

 

ONGWEDIVA-Aalumentu yaali oya holoka mompangu yaMangestalata mOutapi oshiwike shika taya hokololithwa sho anuwa ya dhenge noku kwata koonkondo omukiintu gwomimvo 31.

Omulumentu nomuholike gwe oyali ya dhengagulwa nokumbothagulwa kaalumentu aagundjuka yaali nokonima yaashika aagundjuka mbaka anuwa oya kwata omukiintu ngoka koonkondo.

Oshiningwanima shika osha ningilwe Olyomakaya gaziko pOnembamba, moshitopolwa shaMusati.

Uuyelele wa gandjwa komupopiliko  gwopolisi moshitopolwa omo tuu moka ota wu ti kutya mbaka yaali oyali taya ende okuza kuukamba  wopomukunda gwawo Onembamba yu uka kegumbo sho ya ponokelwa ngaaka.

“Omanga yeli mondjila yu uka kegumbo, aalumentu yaali gumwe okuna omimvo omulongo 17 nomukwawo ngoka a tindi okugandja oomvula dhe, oya kwata omulumentu nguka etaye mu dhenge,sigo takanitha oonkondo.

Konima sho a kanitha oonkondo yo otaya ponokele omukiintu taye mudhenge yo taye mu kwata koonkondo ayehe,” Shikongo ati ngaaka.

Aatamanekwa mbaka oyo Immanuel Elias  na Johannes Mwatile yomomukunda Onembamba.

Oya holoka mompangu mEtiyali oshiwike shika na oya tindilwa oku ifutilamo noshipotha shawo osha undulilwa komasiku 10 ga Novemba nuumvo omanga omakonaakono gopolisi taga tsikile.

LEAVE A REPLY

Please enter your comment!
Please enter your name here