60 va xupa meebesa da pya po

0
482

WINDHOEK – Ovanhu 60 ova xupa moiponga yeebesa da xwama omundilo manga  da li momalweendo a yooloka Etitano ladjako,. Oshiningwanima shimwe , oohamushanga moilonga yepangelo ve li 48 ova xupa moshiponga shobesa ya yaka omundilo pokati koRehpboth noWindhoek. Oouyelele owa yandjwa komupopiliko wopolifi yaNamibia Omukonaakoni Slogan Matheus.

Matheus ta yelifa kutya, omushingi wobesa okwa mona omundilo tau dilile moengine yobesa nokudja ko kondjila meendelelo. Ta weda po kutya, obesa oye hangano Econolux Bus service ya li tai alulile oohamushanga  koWindhoek okudja koshivilo shedimbuluko lefiku loohamushanga mounyuni sha li kondama yaOanob.

Oshiponga osha ningwa Etitano ladjako  ponhele ili oshinano sheekilometa 30 okudja moRehoboth, novanailonga va li mo aveshe ova xupa inava mona oiponga.

Matheus ta holola kutya,  nande kwa ningwa eenghendabala okudima obesa inadi kwafa sha nobesa oya pya po fiufilu.  Ovanailonga aveshe va li mo ina va mona oshiponga kakele oinima ashike inini ya pila mo.

Oiponga yeebesa tadi tema omundilo manga di li metifa lolweendo oya hapupala  unene neudo meendjila moNamibia. Moshiningwanima shikwao shafa eshi natango, Etitano ladjako ovanhu 12 ova xupa moshiponga  shikwao shokabesa ka yaka omudilo pOnyaanya moshikandjohoololo shaNyaanya moshitukulwa shaShikoto.  Pauyelele wa yandjwa komupopiliko wopolifi yaNamibia Slogan Matheus, ova twaalelwa moshiponga shokabesa ka tema omundilo, ova xupa inava mona oiponga.

Matheus ta ti,  okabesa  ka dja koWindhoek ka li ka uka koNoori yoshilongo. Moshiningwanima eshi natango, omushingi  manga e lipyakidila nokushinga, okwa uda edimba lomundilo tali ngaduka nokwa dja mondjila eshi a didilika okabesa taka di omwifi moingina.

Nande okabesa ka lungwina po akeshe aveshe va li mo ove li nawa, Namibia neudo okwa dengwa unene koiponga yoludi eli. Shimwe shomuyo, oshiponga poCasablanca moshitukulwa shaShikoto mu Febuluali mwa pila ovanhu 15. Eshi oshi li yoo edimbulukifo kovashingi vomatuwa va konaakone omatuwa mangha inaava ya molweendo. Ovashingi vomatuwa natango otava kunghililwa va shinge noundalapata opo komwaalu wovafi  950 meendjila daNamibia pokati 2015-2016 kuha wedwe vali. Nomwaalu waavo va mona  oiponga 5 110  mo 2015, 819 neudo kuha wedwe vali.

burning-cars2

 

LEAVE A REPLY

Please enter your comment!
Please enter your name here