Bulelo a pewa yimwe nomiiyagaya kuCowboy  

0
403

 

OSHAKATI-Uusiku wEtihamano lyaziko kawa li wa endela nawa Endson Nghipondoka a tseyika nawa Bulelo sho a nyanyagulwa noongunyo ku

Omudhengingonyo nguka a li a dhengwa noku gwa pevi medhingoloko etiyali muudhano woKilimanjaro Boxing okwa uvaneke te kiipupula ontsi eta thikama po ishewe noku tsikila oku umba oongonyo.

Bulelo okwa li a dhengwa yimwe nopevi medhingoloko etiyali ku Vakufilapo ‘Cowboy’ Nashivela na osha li sha etitha opo omudheuli gwe a umbilemo oshifanduke mokapale oshoka Bulelo okwa li a dhengwa ongonyo ya fa ohamala.

Ashike Bulelo okwa ti ye okwa li natango ta vulu oku tsikila ta ti andola omudheuli gwe okwe mu ethele a tsikile oshoka okwa li eli nawa natango ashike okwa li eshi zimine kutya okwa li shili a dhengwa aluluma kongonyo ya Nashivela moka ali ashike a haluka ta yalula oonyothi.

Ashike Bulelo okwa ti kehe ekondjo oha li kala li na omashongo galyo onkene ota ka shuna momaidheulo gamanamo opo a shune moringa natango.

Onkene ota indile aalanduli ye opo yaateke omukumo ta ti shoka shapita po oshapitapo owala onkene ina shi teya po Bulelo.

Okwa ti Nashivela keshi sha kuye okwa li ashike a mono elago lyokudhenga ndje okangonyo komupya hoka kali ka dhe nge ndje komutse na onda li nda kanitha oonkondo kashona.

Bulelo okwa tseyika nawa muudhano waantu mboka  ya tunga nawa omalutu gawo pamadhewo, ashike omasiku ngaka oku li a hala oku kutha po oshitalenti shuudhengi ngonyo , nando oyendji oya kala noku popya kutya pamwe okwe shi kutha kwa laata kashona .

 

 

LEAVE A REPLY

Please enter your comment!
Please enter your name here