The Dogg na Chikune oya pumbwa omawi geni

0
273

 

Windhoek

Aahikingalo yaali aaNamibia  The Dogg nenge  Martin Morocky na Colleen Tjikune, ngoka a tseyika nawa Chikune oya hogololwa okuka kutha ombinga moshiithanene shegandjo lyomapapa hali ithanwa AFRIMMA Awards 2016 ndyoka tali ningilwa moTexas ko United States of America nuumvo.

AFRIMMA oshiithanene shegandjo lyomapole hashi ningwa unene okugandja omapole kaahikingalo yoludhi lwAfrika unene mboka ye li mehalakano . Oshiithanene shika ohashi gandja omapole kiiyimbo yomaludhi kehe mwakwatelwa ngaashi mbyoka yo Afrobeats, assiko, bongo, decale, funana, genge, highlife, hiplife, kwaito, lingala na soukous.

Egandjo lyomapole ndika olya dhikilwe po noku tameka omumvo 2014 noshikando shika otali ningwa olutitatu. Ishewe The Dogg ota kutha ombinga methigathano ndika oshikando oshititatu woo.  The Dogg okwa hogololwa opo a ka thigathanepo naahikingalo ooyakwawo mokategoli komuhiki kwaanawe omulumentu mUumbugantu wAfrica. Methigathano ndika The Dogg ota kondjitha aathigathanipo naye yooDj Bongz -omuSouth Africa, Emtee – South Africa, AKA – South Africa,  Cassper Nyovest – South Africa, Vee Mampeezy – Botswana, Roberto – Zambia na  Black Coffee – South Africa

Chikune ngoka opo a hogololwa lwotango oku kutha ombinga methigathano ndika okuli mokategoli komuhikingalo dhingi omukiintu muumbugantu wAfrika na ota kondjithathana naanamadhina momusiki  ngaashi Lira South Africa, Ice Queen Cleo (Zambia), Lizha James (Mozambique), Busiswa (South Africa), Nnunu Bomolemo Ramogotsi (Botswana), Pah Chihera (Zimbabwe) na Zonke (South Africa).

Chikune okwa tameke oku hika oongalo sho a kala ha kutha ombinga momathigathano gomusiki ga yooloka omumvo 2012 omanga a li ena omimvo 20 adhike.Okwa pelwe epapa lyoku imba newi ewanawa pomathigathano gomusiki haga ithanwa  World Championship of Performing Arts  ga ningililwe moLos Angeles.Okwa li a pewa epole lyomwiimbi nawa.Eithano lye lyopamusika olya tameke lela pambelewa momumvo 2014, omanga inee shi pondola sho a shainwa kehangano lyOgopa-Butterfly. Chikune okwa sindanene po epapa lyomuhikingalo dhingi omukiintu methigathano lyoNama;s yo nuumvo.

Omanga The Dogg omusindani gwiikando oyindji gomapapa ogendji nokuli wo omunangeshefa. Oku hogolola okupu noonkondo, inda ashike pepandja lya :afrimma.com/nominees-2016/, to yi pokategoli  hoka kena  ‘Best Female southern Africa’ ngoye to hogololapo Chikune nenge to yi pokategoli ko ‘Best Male southern Africa’ eto hogololapo the Dogg ngoye to tulapo okangombe nenge thinda okangombe opo wu koleke ehogololo lyoye.

Aayambidhidhi otaya hogolola itaaya futu sha pepandja lyopambelewa lya AFRIMMA ngaashi lya nyolwa www.afrimma.com.

 

LEAVE A REPLY

Please enter your comment!
Please enter your name here