Egumbo lyaMeme Rauha Amukoto lya pya po

0
328

OHALUSHU-Meme Rauha Amukoto naanegumbo lye otaya pandula Kalunga sho eya hupitha moshiponga shomulilo ngoka gwa hanagula po egumbo alihe oshiwike shayi.

Ehuliloshiwike lya piti, aanegumbo mbaka oya kanithile oshindji momulilo, mwa kwatelwa niilya yawo mbyoka ya li ya teya nuumvo.

Pethimbo ndika Amukoto naanegumbo lye ohaya lala pondje konima sho egumbo lyawo lyapipo thiluthilu.

Oshiningwanima shika osha ningwa mehulilo shiwike lya yi sho anuwa omunona gwomimvo 11 a lungunike ombiga yosheelelwa shomwiha.

Amukoto okwa ti molwashoka okwali a loloka sho eya megumbo okwa li a tokola opo a vululukwe po mondunda yokugondja.

Okwa penduka ashike sho a uvu uunona tawu pula ekopi lyomeya wu dhime omundilo.

“Sho nda penduka onda kundwa ashike kolwithi nomundilo ngoka gwa ndwafuka mondunda yopelugo,” Amukoto a ti ngaaka.

Amukoto okwa ti nonando oya kanitha ashihe shoka yali yena okwa pandula sho inaa mu monena omuntu oshiponga.

Ihe iikuya ayihe mbyoka ya li ya likola mepya lyawo nuumvo nomumvo gwayi oya pya thilu thilu.

Sho Kundana a talele po ompile ndjoka okwa a dha Amukoto, oyana nosho wo aashiinda she yeli pombete yawo mpoka mepya.

Ashike kansela gwoshikandjohogololo shoka na ye wo okwa ningi onkambadhala opo a popye nombelewa yi na sha niinima yosheendelela moHangwena opo ye mu kwathe naashoka yena po.

Ombelewa ndjika oya uvaneke opo yi kwathele nothayila yolukalwa lwopakathimbo omanga taya gwanitha oku longa egumbo lyawo ndyoka epe.

Megumbo muka ohamu kala aanona aashona yeli ya hamano omanga aakuluntu yeli yane. Moka yaali haya yi kosikola ndele oondalaha dhawo nadho woo odha pila mo.

Omambo gaanasikola na go wo oga pila mo no ngashingeyi oyena onkayi nomakonaakono geli popepi.

 

LEAVE A REPLY

Please enter your comment!
Please enter your name here