Meekulu Rauna Shiyuka a xulifa

0
308

 

OSHALI– Ovakwapata vaHaidula va hangika koshilemo shilaula molwa efyo lameekulu Rauna Tetekeleni yaShiyuka. Meekulu Tetekeleni  okwa xulifila moshipangelo shepangelo shaShakati pehovelo laSepteba mepipi leedula 91.

Ongudu inene yovalilafya oya li pepako lameekulu Rauna Shiyuka mEtine ladjako eshi a pakwa pomaendo eongalo lavo Oshali.

Nakufya okwa dalelwa kOnambango moshikandjohoololo shaNgela moshitukulwa shaHangwena momafiku a 02 Febuluali 1925. Mo1955 ye nomushamane waye tatekulu Shimweefeleni Haidula nomonamati woshiveli Alfeus Haidula ,ova tembukila  kOnekwaya yokouninginino opo a kala fiyo opomafiku a xuuninwa.

Vahapu meongalo, ovashiivikile novapambele ova ndjokononaoupenda wa meekulu waShiyuka, ou a shiivikaa nawa kuvahapu molwa ombili yaye tai xunga. Okwa konekwa yoo moshiwana molwa ohole yaye, nelongelokumwe nokwatwa omukumo oludalo li diinine ehongo.

Omuhomboli waye tatekulu Shimweefeleni okwa xulifa mo 2014. meekulu Rauna Tetekeleni Shiyuka ova dalelwe vane, oye aeke a li a xupa po mokati kovamwaina. Ova pelwe omaano ovadalwa vane ovamati vavali noukadona vavali, ashike oshiveli Alfeus osha tetekela mo2007. Okwa fiya po ovana vatatu, ovatekulu 19, novatekululwa 2.

 

LEAVE A REPLY

Please enter your comment!
Please enter your name here