Minista Uutoni a indile iikundaneki yi kale pomaudhano

0
203
Okuza kolumoho Kinda Nangolo, Joe Kaperu,Erastus Uutoni,Katrina Shimbulu,Erastus Mvula,na tatekulu Ndilimani Iipumbu mboka ya li ya kala puudhano woongonyo  waKilimanjaro Olyomakaya gazako.

OSHAKATI-Omupevi Minista mUuministeli wIikwameni Erastus Uutoni okwa li a holola okuuva kwe konayi sho iikundaneki ya li ya ndopa oku kala puudhanop woongonyo mboka wa li wa longekidhwa koKalaba ya Kilimanjaro Boxing Promotions.

“Iikundaneki oyindji kayi po puudhano mbuka oyi li peni ando uudhano mbuka owa li wuli moVenduka ando kehe oshikundaneki ota shi matuka ashike kayi po mpaka, oshike inaa tu simaneka omaudhano getu gokoNooli”, Uutoni a pula.

Okwa ti ka pu na nando ngoka ta ka thikitha uudhano mbuka koshigwana ngele iikundaneki itayi dhana onkandangala mokuthikitha uuyelele womaudhano koshigwana.

Ndhika Uutoni okwe dhi popile puudhano wombokisa yaKilimanjaro ndjoka yali ya eta pamwe aaBokisi 14 mboka ya li ye etele aakalimo yomoShakati omalugodhi geli ga heyali.

Katrina Shimbulu Mayora gwodoolopa yaShakati okwa li a gandja ekwashilipaleko kaanyasha yomOshakati kutya ehalandjandja lyuudhano li li pomatala gaShakati omape opo ta li kala sigo aluhe, na aantu otaye keyamo oshali okutameka omumvo taguya.

Puudhano mpaka opwa li wo pwa kalwa kelenga enene lyoshitunda shUukwambi omusimanekwa Tatekulu Ndilimani Iipumbu nOmunangeshefa  Erastus Mvula ngoka oye a kwashilipaleka uudhano mbuka nokapandi ko N$ 100 000.

Mbaka pamwe nengathithi enene ndyoka lya li lya holoka uusiku wEtihamano lyazako , oya li ya nyanyudhwa kokamati Michael Benhard hoka ka li ka dhenge Johannes Kutumba yimwe nomiiyagaya muudhano mboka wa li wa kwata ashike oosekonde 39 ye Kutumba ota yalula nale oonyothi.

Esindano lya Michael olya li lye mu eta popepi nokulwila epaya lyopashigwana ndyoka ali itaa vulu okulwila oshoka ka li ena omaudhano ogendji kothingo ye.

 

LEAVE A REPLY

Please enter your comment!
Please enter your name here