Omugundjuka a hulithile pombete

0
358

 

UUYOKA – Omugundjuka gwomimvo 32 okwa mana  oondjenda ombaadhilila oshiwike shayi. Eso ndika lya halutha ezimo lye olye mu adhele maandja mu mwayina mOndangwa.

Otaku hokololwa kutya Dortea Kadhikwa omvalele yomUuyoka okwa hulitha ombaadhilila omanga a li metalelopo pu mumwayinakadhona mOndangwa.

Hileni Ndafenongo omumwayina gwanakusa Dortea okwa hokolola kutya mumwayina nguka ina kala nando omunkundi. Omasiku gaali omanga inaa hulitha Dortea okwa li ta lili uuwehame nomukolo, omanga eli miilonga kEenhana hoka oko ha longele.

“Ye mwene okwa li a yi koshipangelo kEenhana hono a pangwa nokwa pewa omiti, Etitano ndyoka okwali eya a talele ndje po ashike naasho ndemu mono ando haye naanaa a dhengwa komukithi oshoka monkalamwenyo ye ina kala omunkundi nande,” Ndafenongo ta ti.

Ta gwedhapo kutya oya li uulalelo naanegumbo ayehe, nomokati kuusiku nakusa okwa tameke ta kolola unene, okwa ka kotha konima sho omukolo gwa mwenapo, yo naanegumbo ayehe oya kotha. “ Ondali nda haluka unene ongula yOlyomakaya sho nda penduka ndi ke mu popithe oshoka onde  mu ithana ethimbo ele ihe ita yamukula, onda tokola opo ndi hedhe popepi naye onda mono kutya okwa kukuta owala pombete ye mpoka ha lala, naasho ndaka tala nani okwa hulitha nale,” Ndafenongo ta ti.

“Otwi ithana owala opolisi ndjoka yi ilemo omudhimba.”

Aamwayina otaya hokolola kutya oshidhigu oku taambako eso ndika pethimbo ndika unene ngaa sho inaa kala omunkundi.

Dortea okwa fumvikwa etitatu lya piti okuziilila mongeleka yawo yOmulondo. Okwa thigiko he, naamwayina, yina okwa tetekela nale muukwaaluhe.

 

LEAVE A REPLY

Please enter your comment!
Please enter your name here