Omukalimo mOniipa eki imangelekela kOkongo

0
361

 

OKONGO– Opolisi yaHangwena otayi konaakona eso lyomukiintu omunamimvo 53, ngoka taku ti, okwa hingi ehauto lye okuza pOniipa moshotopolwa shaShikoto ete ki imangelekela kehala lili ookilometa dhivulithe po150 okuza paandjawo.

Ehokololo ndjoka lya kolekwa komupopiliko gwopolisi yoshitopolwa shaHangwena sisante Kaume Itumba otali ti, omudhimba gwaSaara Jackob ogwi itsuwa gwe endjelela momuti,  komukwashigwana ngoka ali ta kongo iikuni mOkongo moshitopolwa shaHangwena.

Itumba ta gwedha po kutya, opolisi otayi tengeneke nakusa nguka i imangeleke komatango gEtitano lyazi ko. Ohauto ye yobakkie okwe yi thigi pomatungilo mpoka pe na ositola yoPick n’Pay mokOngo. Mokandjato ke hoka ka adhika mothingo omwa adhika iipatululo yohauto, oCellphone, ombele ndjoka a tetitha ko oshitetela shongodhi ndjoka i imangelekitha, noshihupe shongodhi okwe shi tula mokandjato.

Omunambelewa gwopolisi ta tsikile ko kutya, ongula yEtitano Jackob okwa monika lwahugunina paandjawo pOniipa nokuza mpoka ina monika we. Aapambele sho ya thiki kokOngo oya koleke kutya oye.

LEAVE A REPLY

Please enter your comment!
Please enter your name here