Omulandithi gwoIscream omukuluntu moshilando ota pula komeho natango.

0
263
Omusamane Zacharias Iita pethimbo ta landitha o iscreama kaanasikola poDHPS. 

 

Oku na omimvo 65. Omulumentu gwokashendjelutu a ndjanga noha kayile okafalata konyala oshinano shookilometa 35 esiku kehe. Okwa kala noku hinga okathanguthangu okuza omumvo 1975 ha molwashoka ando osho a hala ndele oshoka oku na ashike oku shi ninga. Tsakaneka Zacharias Iita omuhingi gwombasikela yomagulu gatatu yo iscreama, omukuluntu kwaayehe moshilongo ngele tashiya kaalandithi yoIcreama.Ye ishewe omulumentu ngoka eshi nawa o iscreama ye noshowo ombasikela ye evule ayehe moshilando.

Omvalele yokuumbangalantu  a pitilwa ketango pomimvo dhomilongo 1951, nguka okwi ile koVenduka  pethimbo lyuugundjuka oku konga iilonga yokondalaka nenge ngaashi hayi ithanwa iilonga yokondhalate pethimbo lyuukoloni waSouth Africa. Okwa li ta kongo iilonga mbyoka tayi mu kwathele oku kwathela ezimo lye nenge aanegumbo lye. Ina mona iilonga mbyoka ya li ye mu etele ando ombiga yoshingoli onkene okwa kala ha longo shika naa shiyaka oshowo iilonga pa kondalaka  omanga inaa mona iilonga mbika yokuhinga okambasikela ko iscreama. Shika osha fa sha ningi oshilundululi shonkalamwneyo ye oshoka okuza mpoka okwa tokola okuninga elanditho lyo iscreama oyo iilonga ye.

“ Ngame onda li ashike omugundjuka inaa longwa sha ye keena onakuyiwa yi li hwepo. Onkene onda taamba kehe shilonga shoka sha li po  onkene onda kutha iilonga mbika yoku landitha o iscreama pethimbo ndiyaka okulanditha huka okwa li nawa,” osho Iita ta dhimbulukwa nawa.

Iita ota ti okwa landitha o iscreama ethimbo ele nokwa li a tila kutya pamwe naye ota ka lundulukila mokalolipo okaluudhe. “Ndele nee olye ta ka kala a hala okalolipop okaluudhe ‘ osho a popi ye ta yolo po omashendjo ngoka.

Otwa tsakaneke omulumentu nguka iipyakidhila omasiku ngaka  posikola yopaumwene yedhina Deutsche Hohere Privat Schule[DHPS] konima yoku mu konga kutya okwa gama peni.

“Ethimbo lyongula ngame otandi inyenge sigo okonima yomwiha sho ehalo lyaanona lyo iscreama lya shuna pevi” osho a ti omanga aanasikola ye, ya taya matuka okuza molugumbo lwosikola yu uka kombasikela ye ndjoka iinekela oku mu longela iilonga hoka oko kwa patelwa oshiboksa sho iscreama.

Okambasikela hoka oke mu humbata opamwe no iscreama uule womimvo omilongo dha pitipo, okuza sho ombasikela ndjoka a li nayo tango ya teka po kuu kulupe. Ombasikela ndjika ha kayile ngashingeyi oyina ashike ongela yimwe nuuna ya humbata oiscreama ohayi vulu okukala nondjundo yotona yimwe. Oiscreama ndjoka ha landitha ohe ke yi landa komulandithi gwo Polar Ice Creams, ta wilikwa ku Godwin Walters ha landitha nokuli moshitopolwa shiikwafabulika muumbugantu woVenduka.

“Ondi shishi kutya ngoye owe shi talako iilonga iidhigu oku kayila okafalata okuza kenongelo limwe nokuya ke kwawo mokati koshiwike   oshowo momalukanda mooSoondaha, ndele ngame inandi shi tala ngaaka. Shika osha ninga oshitopolwa shonkalamwenyo nondi hole shoka handi ningi. Na ishewe shika ohashi futu omayalulo gamwe gokomwedhi oshoka onkalamwenyo komuntu ndili mopenzela kayi shi ompu okuhupa kiimaliwa yoodola N$1000-00 komwedhi. “Kungame ndjika ongeshefa yili nawa hayi inyenge.’

“No konima yomimvo  41 tandi hingi ombasikela ohashi nyanyudha ndje uuna nda tala aanona taya imemeha pethimbo taya patulula oiscreama yinomulyo yoludhi lwoPolar” osho a ulike.

Ngele tashiya poku landitha o iscreama omukalo omukulu ngoka gu shiwike inagu lunduluka, sho omulandithi ta fala ndjika a kayila ombasikela. Omukalo nguka sigo onena ogu uka komeho, oshikwawo ooshika kutya oiscreama oyo ashike shimwe sho miilandithomwa mbyoka ihaayi mbesitelwa okupitila mointeneta.

Omuwiliki gwaPolar Ice Creams, Godwin Walters okwa ti opena aalandithi yo iscreama yeli 15 mboka haya landa okuza kuye. Nomukalo gwoku fala iilandithomwa yoye hoka kuna aalandi natango ogo omukalo tagu hili omuntu notagu kumitha noku mu dhiladhilitha muule.

O iscreama tayi landithwa komuntu a kayila ombasikela oshinima shoka  omapipi omakulu ga putuka nasho, na otashi uvitha nawa oku koneke kutya omukalo nguka omukulu inagu sa po pethimbo ndika lyoshinanena. Aalandithi mbaka ohaya ende noshilando ashihe taya fala itowale mbika momagumbo gaamboka ye li mopenzela, kuupale womaudhano pethimbo kuna uudhano, komanongelo kooparti oshowo komahala giigongi.

Okwa ti oombasikela ohadhi yanda ondilo moku longitha oshihauto shoka shi na okufala  oiscreama, nenge okukala ho landithile oicsreama metungo lyomunoko noondhopi nenge okulongitha “ Omahooli”. Kapena oku idhidhimikila eudhagano lyiihauto momapandaanda, na kalapo nawa etungo lina ondilo oshowo iimaliwa yoku hiila momatungo ga yalwe.Oshike itoo vulu okukala omuhona kungoye mwene to longitha ashike nokambasikela komagulu gatatu.’osho a pula.

Walters okwa ti okwa dhiladhila okukongela aanangeshefa mbaka  uumbasikela wuli hwepo oshoka oomasikela ndhoka mbaka haya longitha nena odha kulupa. ‘Otandi longo nomu landithi gwoombasikela  dhoshinanena moKapa okunduluka ombasikela dhoiscreama oompe  kaalandithi yaandjetu” osho a uvaneke.

Ndhika oompe otadhi kala dhina oongela odhindji opo uuna omukayili ta siluka ota kala ta vulu okupangela ondapo ndjoka okambasikela ke taka longitha . Ombasikela otayi kala wo yili nawa no yi na oonkondo oku londa uuna nakuhinga ta  kayile pokuma pwa londa unene. Oombasikela otadhi kala wo dhina oombiliki dhoku dhi mbilika pethimbo ndhika dha thikama.

Oombasikela ndhoka odhina oshiketha shoku humbata  oiscreama shoka hashi yi kaleke ya talala nawa esiku alihe. Iita okwa ti ye ke shi nawa Oshiingilisa ndele shoka eshi nawa eimbilo ndyoka  mOshiingilisa “ Hali ti I screama, you scream , we all screama for ice cream.

 

 

 

LEAVE A REPLY

Please enter your comment!
Please enter your name here