Oshekasheka nOkanghundi oyo aasindani yaMetropolitan

0
185

OSHAKATI-Okanghundi Combined School oka li ka ulukile oskola oonkwawo ndhoka dha li dha kalele po iitopolwa ya yooloka medhingoloko lyuudhano woMetropolitan Swabow Summer Cup ndyoka lya li lya dhanwa ehuliloshiwike lyazako mOshakati.

Okanghundi hoka ka li ka kalelapo oshitopolwa sha Hangwena oka li ka dhenge mo osikola ya Ernest Jagger Junior Secondary School ndjoka ya li ya kalelepo oshitopolwa sha Karas noku yakula po ekopi oombandi dhoshingoli nokapandi koodola N$ 15 000.

Oshekasheka oya li ya dhengemo osikola yaNamunghulo Combined School medhingoloko lyahugunina muudhano wokatanga komokambamba , na oya li ya yakula po ekopi lya Metroplitan Swabow moka wo ya li yi ilikolele okapandi koodola N$15 000.

Ekopi ndika oha li dhanwa aluhe komumvo koosikola ndhoka dhina ondondo yotango sigo ontimulongo.

Uudhano mbuka oha wu tameke tango kiitopolwa moka tango oosikola dhomiitopolwa ha dhi ikondjitha po pu talike ngoka ta ka kalelapo oshitopolwa shawo muudhano wa hugunina.

Omvula ndjika iitopolwa iheyali oya li ya kutha ombinga muudhano mbuka nokwa tegelelwa iikandjo yilwe yi ka gwedhwe mo moomvula tu uka.

Ernest Jagger Juinor Secondary School oya li ya toolapo ehala etiyali moka ya li ya kutha po oombandi dhoshisiliveli nokapandi ko N$ 9000.

Onamunghulo Combined School nayo oya li ya toolapo ondjambi ontiyali mokatanga komokambamba moka nayo ya li ya pewa okapandi koodola 9000.

Osikola kehe ya kutha ombinga oya li wo ya pewa iilongitho yomaudhano nosho wo iikutu yetanga yi na oshihako sha Metropolitan Swabow.

LEAVE A REPLY

Please enter your comment!
Please enter your name here