Oskola Oniigambo otayi tungilwa oongulu dhoskola

0
256

 

ONIIGAMBO –  Osikola Oniigambo moshikandjolongo Omuthiya oya li ya shambulwa komahangano , ngoka gi imanga kumwe opo ga gwedhele oongulu dhoskola penongelo ndyoka.

Omahangano ngoka gi imanga kumwe oga li ga pewa oshinakugwanithwa omumvo gwa piti opo ga longe opate yongalama ndjoka yaza poAmilema yu uka kOmuntele, konima sho ya longo iilonga mbyoka oyali ya uvaneke taya ka tunga oongulu mbali posikola ndjoka yili pomudhingoloko ngoka.

Omupopiliko gomahangano ngoka Junias Set okwa li a yelitha kutya otaya tungu oongulu ndhoka mbali pethimbo ndika , mono mwa kwatelwa okangulu kompungulilo, iipundi ,iitaafula niipumbiwa mbyoka ya pumbiwa moka.

“ Omahangano getu ogi imanga kumwe opo tu kwathe, tse tu gandje sha moshigwana shoka hashi tu yambidhidha aluhe, shino otwa li twe shi ningi oshoka pamishangwa otadhi ulike kutya oosikola odhindji moshilongo odhina ompumbwe yoongulu , mono tamu gwanene aalongwa ayehe, naashino osha kala omukundu omunene melongo, oshoka aanaskola oyendji ihaya longo we ngaashi yena okulonga miilongwa yawo omolwa onkalo yomidhingolokolongo ya nkundipala,” Set ta ti.

Set ta gwedhapo kutya oya thaneke opo ya tunge oongulu ndhoka noku gandja iikwathitho ya pumbiwa koshimaliwa shi thike pooN$800 000, konima sho iilonga yopate ndjoka yali ya inekelelwa ya tunge yoDR3225, ya pu.

Pamathaneko oonguluskola ndhika otadhi kala dhapwa pehulilo lyomvula, molwaashoka iilonga yokutunga oya tameka nale. Ngoloneya gwaShikoto Henock Kankoshi okwa li a talelepo osikola ndjoka noku tala iilonga mbyoka.

Aavali pamwe naanaskola oyali ya gongala mpoka noku gandja omapandulo gawo. Omukuluntuskola pOniigambo Ananias Haimbondi okwa pandula omahangano ngoka gi iyamba noku tsakaneka epangelo ondjilakati. Tati aanona yawo yamwe mboka ya kala haya longelwa moongulu dhiipeleki otaya vulu okuya momakuma ngoka taya tungilwa omagano. Oniigambo oyali nale hayi ithanwa Amilema, no yi na okuza ondondo yo 0-10.

Ta uvaneke taya tsikile okugandja elongo kaanona aaNamibia , yo ya kale aaleli aawanawa moshigwana ya kwathele okuyambulapo oshilongo paliko uuna ya mana omanongelo gawo.

 

classrooms

LEAVE A REPLY

Please enter your comment!
Please enter your name here