Ta hepekwa koombepo dhomilema

0
405

ONGWEDIVA-Omulumentu omunamimvo 38 okwa ti oku li mokukalamwenyo okudhigu sho anuwa ta monithwa iihuna koombepo ta dhi yi na ye miihulo uule womuvo 27.

Eino Josef gwomOnethindi muuzilo wOndangwa okwa ti onkalamwenyo ye oya nayi palekwa okuza pepipi lyomimvo omulongo 11 sigo ongashingeyi, naashika oshe mu ethitha osikola ye oshoka okwali ta hepekwa noku li ta hapekwa kombepo ndjoka.

Josef okwa ti omutenya oha mono ashike oshinima oshiluudhe tashi mweende konima ihe keshi kutya oshikwashike, nonando omuluudhilo gwasho anuwa ogwa ongombe.

“Uusiku shampa nda kalala ohandi uvu ashike oshinima shi li molupe lwomukiintu tashi langeke ndje ongali ndele tashi dhana ndje komagundji nosho wo puulumentu. Sho tandi penduka tandi papudhuka moomposi omukiintu ngoka itandi mu mono,” Josef a ti ngaaka ye alulilwa.

Okwa ti shika oshe mweetela nee a kale ihaa ende, oshoka okwa tila oku dhanenwa komayima omanga eli mokati kaantu.

Okwa ti mboka ya eta olukeno oha ye mu lombwele a galikane ihe shampa ashike a makula okana ke a wa pe okugalikana oha kanitha ashike iitya nomatumbulo.

“Kehe nee esiku ndyoka lya pitako ndele nda galikana  ndele te tumbula oshitya ‘ Kalunga kandje kwa tha ndje wu kaleke omanima nomalikama ngaka kokule nangaye’, esiku ndyono ondina oku mona iihuna ya shigako kandi kotha oshoka mbela oga geya sho nda galikana,” ati ngaaka.

Josef okwa ti ngele okwazi megumbo tayi kongerka, okuna oku kala a kondekwa komanima ngoka tage mu dhingoloka sigo ta si uunye eta shuna megumbo.

Ota ti kutya shika osho wo sha etitha a ethe osikola oshoka sho ngaa tayi kosikola go omanima ota ge mu dhingoloka sigo tashuna megumbo.

Josef okwa ti nonando oyeli mo yaheyali megumbo yakwawo ohaya hepithwa ngaa ndele ha unene, ihe ye okwa pimbila noonkondo adhihe.

Okwa ti okwali wo pwa ningwa oonkambadhala yo ku mu fala kofamila ye koVenduka hoka aniwa a kala ko ashike omasiku omashona ye ota pula eye kegumbo.

Ngashingeyi nduno ota pula moshigwana mboka yena ontseyo oku mweneka omanima goludhi nduka ye ye mu kwathele oshoka onkalo ye oya nayipalekwa kiinima mbi.

Okwa ti ngashingeyi okwa ninga ashike omunkundi momadhilaadhilo oshoka iha kotha we nawa.

“Nonando onda li iimbombo kongulohi nena sho tandi ka lala ohandi langekwa ongali etandi uvu iimbombo tayi ta pwa mo. Konima sho tandi kambadhala oku penduka onda kwatwa nda pamekwa, kehe oshinima sha mana ngame otandi si ondjala,”

LEAVE A REPLY

Please enter your comment!
Please enter your name here