Young Chiefs oye ta tekela okapale kaShakati

0
225

OSHAKATI – Elelo lyosipana yoYoung Chiefs olya kutha ko oshinakugwanithwa shokutekela okapale kaShakati kUuministeli wAanyasha nomaudhano opo ya ete okapale haka pondondo ndjoka ya taambwako ko NPL.

Okapale kaShakati ka ke li pamuthika tagu vulu okulongithwa nuudhano wo Premier League owali wa lundululilwa kokapale ke li kombanda yaShakati konyala ookilometa ntano hoka oko osipana yoYoung Chiefs ya li ya dhanene omaudhano gawo agehe gomegumbo omvula yazako.

Sho twa li moonkundathana na gumwe gwomelelo lyoYoung Chiefs, Hafeni Shikulo, okwa li aholola kutya okapale kUukwangula hoka ya li ha ya longitha oke li kokule unene nodoolopa yaShakati moka omo muna aayambidhidhi yawo oyendji na olundji oya li ya dhana nokapale kaa kena aayambidhidhi oshoka oshinano okuya kokapale haka oshile na  ihaku thiki uutaxi.

Okwa ti aayambidhidhi oha ya dhana onkandangala momasindano goosipana paudhano woshinanena onkene oye li ya pumbwa okapale keli popepi naantu opo aantu ya wape oku ya kuupale.

Onkene okwa ti oya li ya pewa epitikilo opo ya tekele omwiidhi gwokapale haka ta ya longitha etoloko (Water tank) oshoka eshina lyokutekela okapale olya teka.

Uuministeli womaudhano okuzilila pokapale kaShakati owa li weshi holola kutya owa li wa gandja eziminino opo Young Chiefs a tekele okapale oshoka eshina lyokutekela okapale ota li kwata ethimbo ele okuthika, onkene oya li ashike yena okulongitha omukalo gumwe opo ya yumudhe po omwiidhi ngoka gwa li guli poku kukuta thilu.

Ashike eikwato pomutima olyo ashike ndyoka kutya osigo uunake okapale haka ta ka tsikile noku tekelwa nomatoloko na ngele omataiyela gomatoloko itaga ka ninga mo iilambo mokapale haka noku kayonagula.

Okapale haka okafa ngashiingeyi ka ethiwa no ka puna lela ngoka a hala oku kasila oshimpwiyu opo ka vule wo nokulongithwa komapipi tageya.

LEAVE A REPLY

Please enter your comment!
Please enter your name here