Allex naShyer ya pititha ongalo Helena

0
205

 

Windhoek

Yamwe po yomaamati mboka ha ya imbi oongalo dho Afro-pop, Kwaito no House ya tseyika nawa unene moshikondo shomusiki onga Allex na Shyer, osho ya pitiko nongalo yawo yedhina Helena, omwedhi nguka.

Ongalo ndjika yi na omikwelengendjo tadhi inyenge nawa oya tulwa kumwe  mo studio yo Mind Records, no tayi popi kombinga yohole.

Ongalo ndjika Helena oya piti pamwe nokavidio kayo, hoka kathaanekwa kehangano lyo Beyond Horizon Productions.

Allex, omu imbi gumwe gwomongundu ndjika okwa ti ndjika oyo ongalo ya tengeneka yi ka kale ya sindana ekopi pethimbo lyoshituthi sho ku gandja omapapa kaahikingalo aaNamibia dhingi, omvula twa taalela.

Kakele kwaashika, ongalo otayi inyenge nawa, unene tuu kooradio dhomoshilongo, nokomapandja go intaneta ngaashi Facebook no Youtube.

Allex na Shyer aamati ya tseyika nawa mehangano lyoongalo, okuza mo 2010 sho yali ya pititha okangalo kawo kotango kedhina Handishikongo. Mo 2013 oyali ya imbi ongaloYolanda pamwe nomwiimbi dhingi Mushe, ndjoka yali ya patulula omiyelo dhawo mehangano lyoongalo.

Omvula yaziko oya li yapititha oalubuma yawo ndjoka yali ya ningwa nuukeka yedhina  Through Thick and Thin, noyali konyala yapulakenwa koshilongo ashihe.

Moalubuma yawo oya li yakwatelamo omaimbilo ogendji, no tamu adhika ngaashi eimbilo ndyoka lili ponomola yotango lya lukilwa oalubuma. Eimbilo ndika otali tungu notali longo aantu opo yakale ookume kashili, muupyu nomuutalala.

Helena okwa pita onge ehwahwameko lyoalubuma yawo ndjoka yi li poku pita manga Desemba ina adha, noya li ya hala ashike oku ulika omulyo gwoongalo dhawo.

 

LEAVE A REPLY

Please enter your comment!
Please enter your name here