Black Mamba otaka kondjela epaya lyoCommonwealth

0
170

Omudhengingonyo gwaNamibia mondjundo yoSuper Middleweight okwa thika moUK moka ta ka kondjela epapa lya simana lyoCommonwealth Olyomakaya ndjika.

Wilberforce Shihepo ngoka a thika nale moshilongo shaQueen Elizabeth, ota ka palamena enyakwa lya Britania mondjundo ndjika lyedhina Callum “The One” Johnson molugodhi talu kala ko ongulohi yongula moshinyanga shomaudhano moshilando oshinene sha Manchester.

Olugodhi nduka otalu humithwa komeho ku Matchroom Promotions limwe lyomomahangano  omanene muuyuni ngoka haga longekidha uudhano woongonyo.

Shihepo okwa kondja omalugodhi 36, a sindana omalugodhi 28, noku dhengwa momalugodhi gahetatu. Otayi molugodhi nduka ena omasindano gaali ga landulathana omasiku ga ziko.

Omudhengingonyo omuNamibia nguka ota ka kondja molugodhi nduka  a tokola okuyugako oshishani shika okuza kuJohnson opo shika shi ninge she.

Johnson ngoka oye enyakwa mondjundo ndjika okuna ondjokonona ya yela ngele tashiya poku dhenga oongonyo, sho a sindana omalugodhi ge agehe gopaithano ngoka a kondja sigo oompaka. Onkene ye otaka tsakaneka Shihepo noku mu kondjitha nuukeka opo a gamene ondjokonona ye osho wo epaya lye ndika.

Nonando ondjokonona ya Shihepo hayo naanaa ya yela ngele tashiya pomalugodhi, omumbokisi nguka oku na ontseyo oyindji na ita ka dhanena nando ompito i iyethele a dhengwe kuJohnson ngoka sigo oompaka inaa sindika nando momalugodhi agehe ngoka ye a kondja.

Pahapu dhomudheuli gwaShihepo, Nestor Tobias, omudhengingonyo nguka otayi molugodhi nduka nedhiladhilo limwe alike ndyoka lyoku sindana.

“Eeno otu shishi nawa kutya okukondjela kondje yoongamba dhaNamibia kashishi oshipu, ihe omumati nguka okwa adha omasindano momalugodhi ngoka a kondjelele pondje yoshilongo,nokwa hala okutumbalekitha Namibia’ Nestor a ti.

Kombinga ye Johnson okwa ti “ Shihepo oye omukondjithi ngoka nda hala oku palamena pethimbo ndika. Onda pumbwa okutulwa koshiviha naanguka oye omulumentu ngoka ta vulu oku shi ninga. Okwa kondja naadhengingonyo ngaashi enyakwa nale lyuuyuni Arthur Abraham na okwa li a longa nawa molugodhi ndoka. Abraham okwa kala enyakwa lyuuyuni ethimbo ele ye ishewe okwa kukuta, onkene ondi itaala kutya Shihepo okwa  tsakanena naadhengingonyo dhingi . Ondu uvite ndina einekelo mwene lyu udhapo komeho golugodhi nduka onda nyanyukilwa eshongo ndika no ndina omukumo kutya otandi ke li taaguluka noku kala ongame omusindani.”

Olugodhi lwa Johnson naShihepo oluli oshitopolwa shomalugodhi ongulohi ndjoka moManchester moka omudhengingonyo Anthony Crolla ta ka tsakaneka Jorge Linares mokuhanganitha omapaya lyo WBA no WBC mondjundo yo lightweight.

LEAVE A REPLY

Please enter your comment!
Please enter your name here