Ethigathano lyaOld Mutual mOshakati ngula

0
188

OSHAKATI-Uudhano wokomumvo waOld Mutual woosikola owu li ko ngula sho oosikola ndhoka dha kalela po iitopolwa Omusati, Oshana, Ohangwena nOshikoto ta dhi ka ya mondambo okutala ngoka ta ka ninga enyakwa epe metanga lyokoompadhi naa ndyoka lyomokambamba.

Uudhano mbuka ohawu dhanwa koosikola okuza kiikandjolongo moka oosikola hadhi ikondjitha opo ku talike ndjoka tayi ka kalela po oshitopolwa shawo muudhano wahugunina mboka hawu kuthwa ombinga kiitopolwa ine yokoNooli.

Haundano otaka kalela po natango oshitopolwa shaMusati muudhano wetanga lyomokambamba omanga Osekundosikola yaRuacana tayi ka kalela po Omusati metanga lyokoompadhi.

Gabriel Taapopi naye okwa tegelelwa a ka tume osipana tayi ka kalela po Oshana omanga Onamukulo Combined School tayi ka kalela po oshitopolwa shaHangwena.

Old Mutual oha kwathele oosikola ndhoka dha thika kedhingoloko lyahugunina niikwathithilongo ngaashi omashina goku indjipaleka oombapila neekompiyuta.

Aahikihiya mboka taya ka kwatela komeho uudhano mbuka oya ningi esiku yeli momadhewo moka tamu ka tothwa mboka ya pita nawa opo yaka hike puudhano mbuka.

LEAVE A REPLY

Please enter your comment!
Please enter your name here