NPL a zi mokalungu

0
185
Omunashipundi gwoliha onene moshilongo Namibia Premier League Johny Johnson Doeseb

 

ONGWEDIVA-Omunashipundi gwo Namibia Premier League Johny Johnson Doeseb okwa li a yelitha oshikumungu sha dhingoloka oliha onene moshilongo yokatanga kokoompadhi ndjoka yi li meshongo enene sho omukwashilipaleki gwayo MTC a li a hulitha po oku kwashilipaleka oliha ndjika omwedhi gwaziko.

“Oshigwana nashi kale ashike sha tegelela neinekelo oshoka ewiliko lya NPL otali longo omutenya nuusiku oku konga omukwashilipaleki opo oliha yi tameke. Pethimbo ndika onda hala oku kwashilipaleka kutya nena ndjika otwa li tuna oshigongi nehangano limwe na olya li lya ulike ohokwe oku tula oshimaliwa moliha ndjika onkene oye tu pula opo tu ya pe omishangwa dholiha ye ke dhi konaakone yo ye tu pe eyamukulo,” Doeseb ta ti.

Doeseb okwa ti oya shangela omahangano ge li 37 oombaapila ta dhi pula ekwatho lyoshimaliwa moka ngashiingeyi ye na omahangano  gaali ngoka  ga ulika ohokwe oku kwashilipaleka oliha ndjika.

Okwa ti ehangano lyoNamibia Breweries olya li lya galula ombapila yomahehelo lya ti olina ohokwe nolya li lye tu indile opo tu gandje omilandu dholiha yetu opamwe niipumbiwa mbyoka twa hala.

Okwa tegamena kutya oliha otayi ka tameka, noku a gandja oshi holelwa ta ti omvula ya zako oliha oya li ya tameke muKotoba na oya li ye ende nawa.

Onkene ota indile kehe omuNambia ehole omaudhano opo a ngungumane oshoka eshongo ndika kali shi ashike lyo NPL ashike ndika olya guma oshilongo ashihe koonono.

Otwa pumbwa edhilaadhilo ndyoka ta li kutha okatanga kokoompadhi kohi opo konima yomimvo mbali tadhiya ka tu kiiyadhe monkalo ndjika tu li.

Kepulo kutya epangelo omolwashike ita li ya kwathele, Doeseb okwa ti oya li ya shangele ombaapila kolutu lwomaudhano moshilongo Sport Commission, ndoka lwa li lwa kwatathana nUuministeli wo mawudhano ashike oya li ya lombwelwa kutya kaya li mo momutengenekwa faneko gUuministeli onkene okuya pa iimaliwa ka shi shi oshipu.

Ashike okwa ti amushanga ta kalelele mUuministeli womaudhano okwa li eya pe ekwashilipaleko kutya ,ota  ya ka tula oNPL momutengenekwo faneko gwomvula ta yi ya.

Ehangano lya MTC olya pele NPL sigo muAguste opo a kale a mona omukwashilipaleki ngoka ta gwedha po oomiliona 9 opo ya gwedheko ko 15 miliona dhoka MTC ali a tengeneka ta ka gandja ashike NPL okwa li a ndopa okumona ehangano ndyoka ta li gwedha po oshimaliwa sigo omasiku, ngoka ya li ya pewa ga puko naashika osha li sha thiminike MTC opo a hulithepo uukuume ke na NPL.

Omukundu nguka ogwa pumbwa oku potokononwa kuyele oshoka ngele ina pu ningwa sha nena aadhani yeli 400 ota ya ka thigwa kaa yena omboloto.

Nando Doeseb okwa li a gandja omukumo kutya oliha oyina oku tameka, ka li ta vulu oku gandja esiku lyo thaatha moka oliha tayi ka tameka.

 

 

LEAVE A REPLY

Please enter your comment!
Please enter your name here