Omaliko a Panniza a halakanifwa po komundilo

0
271

Lüderitz

Lüderitz – Omaliko a Virginia Panniza okwa pyapo komundilo, mEtivali loshivike eshi.  Panniza ota hokolola kutya  omundilo oo wa halakanifapo omaliko  owa etifwa koutekulu voukadona  umwe okuna eedula mbali umwe okuna eedula nhatu.

Noshiponga osha holoka lwopotundi 17h10 konima ashike eshi Panniza a fika meumbo okudja koilonga.

Ota hokolola kutya, eshi a dimbuka okweya meumbo noku popifa outekulu vaye ovo a hangamo nomonamati nakudala outekulu vaye. Omonamati okwa ka pitamo meumbo ta fiye mo ina noutekulu. Panniza okwa ya monduda yaye noutekulu ovali veli monduda imwe tava danauka.

Okwa hokolola kutya edimba lomwifi tali nyika ole mu hanga manga eli mondunda vo noutekulu vaye tave uya monduda omo eli.  Ota hokolola kutya okwa kala monduda noutekulu, nokonima okwa mona omwifi uhapu uli meumbo.

Ota ti  otashi dulika outekulu monduda omo vali tava danene okapalwa, opo va fadukepo vaye monduda ya ye.

Panniza okwa kendabala okudima omundilo, noku pitifamo outekulu vaye. Omundilo owali tau endelele, ndele ina dula okuxupifa omaliko aye, ashike okwe shipondola okuxupifa outekulu vaye.

Panniza opamwe noutekulu vaye ovali tava ulike vafenya omwifi, novali vaya koshipangelo efiku tuu olo opo vaka mone epango.

Omunamido 52 Panniza oha longo mouMinisteli Wovanyasha, omaudano nomifyuululwakalo mo Lüderitz.

LEAVE A REPLY

Please enter your comment!
Please enter your name here