Ovanyasha dulikeni kovakulunhu – Amakali

0
292
Fillemon Amakali nomuholike waye Helena poshivilo shavo eshi va wanifa eedula 42 mohombo.

Lüderitz

Omukalimo womoLüderitz  Tatekulu Fillemon Amakali okwa kumaida ovanyasha moshilongo, opo vakale noku pwilikina komayele oo tava pewa kovakulunhu vavo, noku landula omifyuululwa kalo doo inakulu.

Omunamido 70 okwa indila yo ovaleli veedoolopa,  vakale noku pwilikina komakemo oshiwana, noku a nyamukula, pa ku yandja omavatelo kwaasho oshiwana tashi pula, opo tashi dulika.

” Otu shi shi kutya eendunge iha di wanene omutwe umwe, onghene ovaleli   unene veedoolopa ,vamwe mu li natango ovanyasha, omwa pumbwa omayele ovakulunhu, hano kaleni noku pula omayele kuvo, opo mu dule oku yambula po noku xumifa komesho eedoolopa odo tamu lele.” Amakali osho a tumbula.

Amakali edi okwe di popya pefimbo leenghundafana na Kundana, pe tyapula loshivilo shomido omilongo 70 opamwe naa sho she wanifo leedula 42 mohombo nomuholike waye Helena Amakali.

Kombinga yovanyasha moshilongo Amakali okwe va kumaida va dulike kovakulunhu vavo, voo va shikule omikalo diwa. Te va indile opo veli vangeke oinima itai  tungu no tai halakanifapo oshiwana. Okwa ti nave li kaleke kokule noikolwifa, nokutokelelwa.

Amakali okwa li yoo a kufileko Kundana, nghene sha enda opo a ninge omukalimo womoLüderitz oule womido dakonda po 50 paife.

Ota hokolola kutya moLuderitz okwe ya mo modula 1963, omunafikola ndele nee ine ke imana omolwo nghalo yoita. Tatekulu Amakali okwa ti eshi a mana ongudu onhi-6 pefimbo linya, okwa ka longa mo apoteka oule weedula 20. Okudja opo taka longela mehangano loLalandi, nokonima okwa ka kutwa moshitayi mina sha Namdeb poElizabeth Bay, oule weedula mbali, taka kutwa mehangano loku yula eeshi la NovaNam (Pescanova) omo a longa eedula 15 fiyo otai mopendjela.

Tatekulu Amakali okwa hombola omuholike waye Helena Amakali modula 1974, no va pewa omaano oludalo lovakainhu va 4 nomulumenhu umwe oo a xulako nale moshiponga shoshihauto.

Kombinga yoshivilo hambelelo osho yee nomuholike waye va ningilwa koludalo lavo ova pandula unene oludalo lavo. Ovapandula yoo ookaume novashivwa aveshe vali va mona omhito yoku tyapula pamwe navo, eshi a wanifa eedula 70 nova wanifa yoo eedula 42 mohombo yavo.

Okwa tumbula kutya, omaano mawa oo vapewa mefiku loshivilo shavo aeshe ove a pandula neenghono, novapandula yo kelongekido liwa noli shambula.

 

 

LEAVE A REPLY

Please enter your comment!
Please enter your name here