Ovayuli veeshi vefike lwopo 350 vakanifa oilonga

0
276

 

Lüderitz- Ovalumenhu vefike lwopo 350, ovo vakala ovayuli veeshi mehangano la NovaNam(Pescanova) oshoyo Seaflower White Fish mo Lüderitz ovakanifa oilonga.

Ekanifo loilonga  olili oshidjemo she kangha liheli paveta, omo ovanailonga ava vakufa ombinga oku hovela pexulilo la Kotoba 2015. Ovanailonga  ovali vaya mekangha liheli paveta, tava pula ku nawapalekwe onghalo yavo.

Eefaablika deeshi odo hadikwata eeshi, ohadipate odula keshe omwedi aushe waKotoba, opo eeshi di dule okukula noku hapupala memanguluko. Odula 2015, ovanailonga vomefuta eshi vadja mefudo olo la Kotoba, ova anya okushuna koilonga mewiliko lehangano lovanailonga ledina Mining Metal Maritime and Construction Workers(MMMC) ehangano olo ina li shaina etwokumwe udafano nova yandji voilonga momahangano oo avali.

Ovanailonga  ova kala oilyo yomahangano ovanailonga ngaashi NAFAU oshoyo NASAWU pambelewa. Nomahangano  NovaNam na Seaflower mu Januali 2016 ovali va tumina omikanda komahangano oo elilepo ovanailonga ava pambelewa opo  vaka pulaapulwe eshi ina veli lopota koilonga okudja mefudo la Kotoba 2015.

Ovanailonga ava inava holoka komapulaapulo oko vali va ufanwa mu Januali neudo , okudja nghene vaanya okulilopota koilonga, pehulilo la Kotoba 2015.

Ova ka tuminwa omikanda odo tadi ti kutya ova kanifa oilonga. Okudja opo ovaya ko kouMinisteli wOvanailonga opo uke va pwilikinife kombinga yomikanda oyo tai ti ova kanifa oilonga.

Oshivike shaya ovanailonga ava ova mona elombwelo okudja kouministeli wOvanailonga kutya ovena ondjo eshi va menekela mekangha liheli paveta olo lakwata konyala odula paife.

“Tweli twiyaulila nee ondungu momesho wan” Omulumenhu umwe osho a tumbula, teli vele ombedi eshi, a panga mekangha li heli paveta osho sha eta a kanife oilonga.

Omulumenhu umwe oo naye a kanifa oilonga, naye okwe li vela ombedi ta ti: “ Twa wila nee moshiponga, twafa ashike twa li twa tuvikilwa komesho. Oilonga yakana filu.”  Ta twikile noku lombwela omutoolinghundana wa Kundana ta ti, onghalo kaili vali nawa, okwe li hanga eli meengunga odo ita dulu oku di futa.

Ta ti ngeno ka kwali a panga mekangha ngeno eumbo laye okwa mana nale okulifuta.  Ta twikile teli vele ombedi ta ti, “onda li ndina omukuli kombaanga, paife owa ya pombada, ondali  nda ka talako oshivike shaya, otava ulikile nge kutya eengunga oda fikama peeN$8 000, noixupe. Ame onde  va lombwela kutya onda kanifa oilonga, nava teelele ndika puleko opendjela yange ame ndiuye ndifute, eengunga odo.

Hano paife otuli ashike pomutenya ngaha, opendjela nande oyuuye aishe otaipwile ashike moku futa eengunga, vakwetu ava kwali vetu kwetele komesho tavati  ‘ina mu shiitavela , hamunhu wai koilonga’ paife katu va wete, mbela va ningina Keembaye oko vaka konge oilonga yavo”. Omulumenhu umwe osho a tumbula noshipala sha lulilwa.

 

 

 

 

 

 

 

 

LEAVE A REPLY

Please enter your comment!
Please enter your name here