Take Time a kandulile omukaga kokule

0
280

 

ONDANGWA –  Oshilahite shoTake Time osha egulula omiyelo dhasho lwotango mOndangwa oshiwike shika.

Oshilahite shika otashi adhika pomatungo goTake Time, mondjila onene mondoolopa yaNdangwa.

Aalandi oyendji oyali ya kongoloka koombinga noombinga opo ye ye yi ikongele osheelelwa kombiliha. Moshilahite shika otamu adhika oonyama dhomaludhi agehe giinamwenyo yomegumbo niiyamakuti. Omuna wo omihaka niiyelelwa konyala ayihe mbyoka aantu ya pumbwa monkalamwenyo ya kehe siku.

Mwene gwoshilahite shika Ericky Angula okwa ti okwa tokola opo a patulule oshilahite mondjila ndjoka onene, ye a kandulepo omukaga noku yamukula kompumbwe yoshigwana.

“Thimbolimwe omuntu oho eta ohenda oku tala aantu taya ende oondjila oonde okuka konga iiyelelwa yawo, yo iiyelelwa yimwe mbyoka ohayi kala yi na ondilo unene,” Angula ta ti.

Okwa gwedhapo tati oya kala haya landitha iikolitha ashike oya tokola opo ya hulithepo okuyi landitha yo ya tale kosheelelwa shoka shi li muuwanawa woshigwana ashihe.

Oshilahite shoka otashi kala tashi patulula okutameka po8 sigo opotundi onti-21, omuna aaniilonga oyendji noyi ilongekidha oku gandja omayakulo kaalandi mboka taya kala nokuya talelapo ethimbo nethimbo.

Aakalimo yomomudhingoloko gwOndangwa oya holola enyanyu lyawo ya ti oondjila dhawo odha tetulwa, no taya kala taya landa iiyelelwa yawo kombiliha. Aantu oyendji oya talelepo oshilahite shika esiku ndyoka.

Sarafina Kashilinge gomomudhingoloko gwOkangwena naye okwali eya kepatululo ndika, Kashilinge okwa holola enyanyu lye ta ti  konyala iiyelelwa ayihe tayi adhika moka oyina ombiliha noonkondo, tati ngele okwi iyadha keena osheelela megumbo dho oositola dhilwe odha pata ota tondokele owala poTake Time Butchery ye eki imonene osheelelwa she kombiliha.

Oshilahite shika otashi gandja uuwanawa owundji oshoka mwene gwasho okwa yelitha kutya uuna omulandi a landa onyama ye ihe okwa hala yi tetwe ote shi ningilwa no ita pulwa a fute nenge osenda yimwe.

Angula ta gwedhapo kutya otaya kala taya gandja eyakulo ewanawa nolyongushu kaalandi , naayehe mboka taya talelepo oshilahite shawo, yo taya kwathele mokukandulapo omukaga moshilongo.

 

LEAVE A REPLY

Please enter your comment!
Please enter your name here