TUYENI KOLUPALE LA TUYENI: Okaana okwe ka tula kofindo shapo.

0
358

Shiwana shaNamibia, efimbo limwe onde mu lombwelele ngo haiti vati ovakulu vonale ovakala hava ti meme wokaana oye ashike eshi he yako. Ove ongo omulumenhu paife ouna ne okumona mboli ngaipi kutya okaana oko ho nangala wa tula mekolo okoye mboli, ngeenge mboli naku dala oye ashike eshi eendjila edi aenda da kitakana, ovalumenhu moshinima omu oshike ne tuna okuningapo opo twee ke lihaluke twa tula oinovele keefindo yovalumenhu vakwetu?

Oonakukalako nalenale, noonakushi mona nomesho otava hokolola mounyuni wonale kwa kala kuna ovashamane vamwe kwali vapepulila okutula ounona vavakwao keefindo manga veli pefimbo lokunyama nokuli. Ovashamane monale ngeenge vai koushimba mokati kovanyeumbo ava okwali pena vamwe haveli vakeko omanga eekondalaka davo inaadipwako nokuli, ashike elalakano lavo vati okwa li ashike oku uya ,okuya momilele novakulukadi va vakwao manga veli koushimba, kena ne kutya otanyamifa okaana kefike peni.

Shiwana opo ne tu ude shihapu shidulife eshi handi mu lombwele, onde mu kongela katokote moipambele yOshiwambo  Tate Filipus Tuhafeni ya Nghidengwa, opo etulombwele eshi vakala have li ndjondjele moikumbafa ye he shi yavo kutya okwali have sheende naana ngaipi.

TATE NGHIDENGWA, opo ngo uli tate oshike sha tya moshilando pangelo omo tatekulu?
YA TUYENI, opo ndili kaume ashike onda nyika ngo pange apa mbela noukulupe ota we endeleko ngo ne wani.
TATE NGHIDENGWA, otwa hala u tu lombwele nawa tatekulu ndele noshiwana sha Namibia oshina ondjala noluhepo lokuuda okaana oko  katulwa kofindo kutya okaana keli ngaipi hano nohaka kala kena omadidiliko eli ngaipi tatekulu?

YA TUYENI, etulo kofindo oko la kala okudja mounyuni wonale ndele naashi andi popi ngaha fiyo onena mounyuni omu tuli oshiwana onghe ngo tashitula oinovele keefindo oyo inava dala.

TATE NGHIDENGWA, hano oolye naana hava tula ounona keefindo mboli netomelo loku va nangeka kofindo ola shike eshi ihave va yalele pedu ngeenge tava nangala, nounona ava eshi hava kala tava tulwa keefindo ooxe ava veva dala ohava kala vaya peni?
YA TUYENI, ove paife oto yolifange ne, molwaashi etulo kofindo mboli eli topopi oleli lokaana ka nangekwa kofindo, eeheno ouli mondjila ashike okunangeka okaana kofindo hapo tapadi pena omadidiliko ilo okaana kadjepo ka kwatwa koshimela, ndele ongeenge naku dala okaana manga ta nyamifa okaana ta kwatafana vali nomulumenhu umwe aye naye momilele ye hae xe yookaana kaye.

TATE NGHIDENGWA, ino nyamukula nande eshi ndeku pula tatekulu, ame inandi hala u lombwelenge nande manga kutya ounona ohava kwatiwa koshimela epulo olo opo ngo taliya, ndele ohaiti okaana katulwa kofindo okena omadiidiliko eli ngaipi?
YA TUYENI, enyamukulo opo ngo taliya kaume, okaana aka katulwa kofindo opo ne u keli monene mounona vakwao ngaashi mounyuni wonale, okaana oko ohaka kalapo ngo kenapo omesho matoka afa oilemo yodula yopokwenye, ofingo yokaana oko oilipo ngo noxo ina eengandji yafa yakashima ahanga ediva lapwiinina, ohakakalapo ngo kenapo oshipunda shilipo ngaha shi li komutima shalonda shafa oshikombo shalya eedime, omaulu okaana oko ohaakala ehena eenghono oo noxo otaa monika afa okadila kenya lukenghe, nande owe ka ningile okatete nde to ka pe ihaka akama nawa eefeta dako dokanya ihadilongo nawa, noshimela ne shako ihashipolo eshi inoo hala ndipopye wani.

Uhu!!!! TATE NGHIDENGWA, ngeenge ne mboli oinima aishe ei wa popya apa oyo imwe kwali haikwata ounona ava va nangala keembete novashamane ve he shi ooxe vavo, nye ongo ovashamane eshi kwali hashi kala shimu kwete oshike hamukatula ounona keefindo haanye mwe va dala, omanga veni veli komaumbo nooina vatulwa momakolo nye tamuuya mweetele ounona vovashamane vakweni oimela itaipolo?

YA TUYENI, paife owa teelela ne  ndiku lombwele neendaka ndi h efike peedula doye, ngeenge meme wonhumaba okwa dala okaana ndele ta kala ta nyamifa ye xe yokaana pamwe okuli kokule, ngeenge okaana oka ningi eemwedi omulongo oha tameke ne okutwa eendjodi vati ta valula eenyofi keshe ngo fiku la ka pitile, ye ongula eshi taku piti odula oya loka ko ngeno inaku nangala ngo oilemo, ohashi hala ne okumweetela nai nafiyo osheshi ta tameke ashike okuyolifa keshe omushamane ou ta shakene naye nonande ina popya naye.

Ta!! TATE NGHIDENGWA oshili nye mboli omwa kala tamu li oshilongo nokati, paife ne ngeenge owa tula okaana kofindo kamukweni omolwa onghenda ei mwa landifapo punye, omuna shimwe hamu ka ninga ounona ava ngeenge vakofa ilo oushitwe ngo waKalunga omhepo yokaana inai hala omunyeeumbo oo eya kuli tutuvika poikumbafa ya ina wako ilo eshi hashi ka kwatifa vali ounona koshimela vo va kakale ta vaanye okweenda diva oshike?

YA TUYENI, ovashamane vamwe ava vakala va pepulila okutula ounona kofindo, vamwe ova kala vena ounongo muhapu kwali have shiningi opo okaana kovanhu oko kaa haanyanauke, mbela okwali ne have sheende ngaipi? Shima ngo nakudala okaana nde ta ningi epuko nde moduda ta pitimo ngo nande okwa ka shitama pondje, omushamane okwa li hakufa shi li komesho waye nde taxu okaana pomayulu opo okaana aka kaa ha kolwe kohonde yaye ashike okwa li he shiningi meendelelo manga ina yokaana inaa djapo pondje ye emu mone, ngaho otashi ti ne okaana okwe ka tunhila na itaka ka kwatwa vali kusha.

TATE NGHIDENGWA, ove mboli oto longonge shihapu nena ndika djepo andi tula ounona vovanhu kofindo, paife shayela kutya ovashamane vamwe ka kwali vena eshiivo eli eshi ounona vamwe ngenge vatulwa kofindo have ke lihaluka veli moupyakadi wokweenda noshimela ihashi polo, nongeenge ne osho ngaho nye ne ndishi nanye okwali ngo mwa nongela noku teelela ounona veni navo va kale va tulwa kofindo ngaashi hamu kala ta mu shi ningile vakweni?

YA TUYENI, ovashamane nghe va kala kave hole okulilwa ashike ovehole okulila vakwao nda hala okutya hano kave hole okutuwa ashike ovena ounongo wokutwa ovashamane vakwao, ngeenge ye owe shi mu ningile nde te ku mono, otashi shi va ukanife nomwenyo woye ngeenge otweende kashona, ngeenge owa hange omushamane eli opo ena omukulukadi waye alikapo nande owe mu tu meyulu omunwe woye iteu mono, ngeenge owe mu lombwele eefya da ina ote ku pula ta ti mwati lye afya wa peni tuu?

TATE NGHIDENGWA, paife okaana aka katulwa kofindo naaka inaa ka tulwa kofindo ohapa kala nee pena eyooloko, napamwe to dulu ngo oku muula toti ndele ouna ne eendunge dafa domunhu atulwa kofido wa, pamwe wa tala ngo komaliumbato aa  ena eyooloko na vakwao veli poima?

YA TUYENI,poima poovene ihapa kala naana pena eyooloko una ngeenge omunhu a tulwa kofindo ndele ta kulu, ashike eyooloko ohalikala ashike efimbo okaana aka taka nyamu opo ashike hapa kala pena omadidiliko to dulu ku mona kutya aka mboli oka nangala moikumbafa mwa nangala omushamane eheshi xe yako.

TATE NGHIDENGWA, monale okwali ne pena nande ovakulupe vamwe kwali hava dulu okuhakula okaana una ngeenge ve wete kutya mutu aka okatulwa kofindo, ilo omukalo oo kwali hau longifwa kovashamane woku veeka ounona ooshi li komesho vavo ngeenge vakofa oo ashike kwali uliko hau dulu okulongifwa?

YA TUYENI, mutu nonande kwali pena ovakulupe veshi oku hakula okaana ngeenge katulwa kofindo, mutu okwali ngo have shiningi meholeko shaashi kandiwete naana ngeenge opena ngo omunhu ta hala okulombwela ovanhu kutya ota twala okaana kaye ka ka hakulwe molwaashi okwe katula kofindo.

TATE NGHIDENGWA, pexulilo apa etumwalaka la shike una koo meme vamwe ngo ovo veli va pepula nokutula ounona keefindo novashamane vamwe ava veheshi ootate vounona vavo hano veli longa ngo novaitavela kutya oshili ei yokomaulu ohai langaula ovanhu, po pena ne ovashamane mwa kwatelwa ovamati vamwe navo va itavela ngo kutya oshinamwali oshinyenye nonande kashishi shavo vo avo ve sheetapo?

YA TUYENI, ovakainhu aveshe voshilongo shetu nava kotokele omukalo ou wokutula ounona keefindo novanyuumbo vamwe, vo va henhuke omikifi doimela omipanhu nounona vena oipunda yafa ovanhu valya oihendedemba inaituwa nawa, oshanyika oshiponga noshili ouwa wameme nowookaana opo ateele xe  yokaana ye emu kufe oumbwidi nemwengu domoikumbafa odo dimukwete, kombinga ne yovashamane, ngeenge opena omulumenhu a itavela kutya oshinamwali oshinyenye nateele oshinamwali osho shaye shili kedina laye, nongeenge ne opena vamwe va itavela kutya okutula okaana kofindo keheshi koye efimano, teelela ne udale okaana koye kokatulweko ku vakweni ove umone ouwa washo.

Omadiladilo omo shinyolwa eshi oo’mushangi yee mwene ndele kae shi a Kundana.

JOHN YA TUYENI
MRTUYENI76@GMAILA

LEAVE A REPLY

Please enter your comment!
Please enter your name here