Ekandjo a kunghilila ovanyasha ve lihonge noudiinini.

0
218

Lüderitz – Ominista yOvanyasha nOmaudano Jerry Ekandjo oya kumaida ovanyasha ve li honge noudiinini, opo vadule okumangulula oshilongo paliko.

Ekandjo okwa dimbulukifa ovanyasha kutya Namibia oshilongo shi na ouyamba, wokawe nongopolo, shina efuta li na eeshi nosho tuu. Onghee okwa kumika ovanyasha ve li tule mo mehongo, va ninge ee enginia nosho tuu opo va dule okunduluka nokueta po oilongomwa okudilila meedjo edi doshilongo.

Ta yelifa kutya epangelo la Namibia ola tula po omulandu wehongo loshali moshilongo, okuhovela ondodo yotete fiyo ondodo onhimulongo nonhivali opo paha kale nande oumwe te lipopile kutya ina hongwa molwashi kali ena oshimaliwa shokufuta ofikola.

Okwa kumaida ovanyasha ve li tule mo mehongo, voo tave li vangeke okulonga oilonga youngangala nominyonena keshe.

Minista Ekandjo okwa tumbula edi pefimbo ta popifa ovakalimo vomo Lüderitz, moku dimbuluka efiku lomapendafule olo la dimbulukilwa po Lüderitz Waterfront Olomokaya olo twa dja.

Ekandjo okwa tumbula kutya “oha tu dimbuluka efiku lomapendafule eshi oSWAPO ya palamena lotete ovakwaita vomukolonyeki nomauta opashinanena. Oshilonga, eshi osha yeulula ondjila ile yo oilula yoku kondjifa  noku taa taa mo oukoloni nomukolonyeki mo Namibia. Eshi osha dikila ovanyasha onakwiiwa moshilongo.

Okwa dimbulukifa yo kutya emanguluko la Namibia inali uyapo noupu. Ndele nee ole ya po molwaavo va yandjela omwenyo yavo emanguluko. Oshiwana sha Namibia osha manguluka oule weedula 26 paife.

“Namibia ola manguluka natu kaleni tu na oukumwe nombili. Oukumwe nau pangele moNamibia.” Ekandjo osho a indila.

Ekandjo okwa pandula ovakalimo vomoLüderitz ta ti ovakala vena oukumwe nomanga oshilongo inaa shi manguluka, ina va kala hava ti ou omukwashike, ovakala ashike noku li ufana kutya voo ee ‘ Buchter’.  Minista Ekandjo okwe va twa omukumo va twikile noku kala moukumwe oo.

Meya waLüderitz Hilaria Mukapuli okwa pandula Ekandjo eshi euya oku va popifa mo ku dimbuluka efiku lomapendafule.

Mukapuli ta tumbula kutya moku dimbuluka omafiku omo ovaNamibia vafila emanguluko loshilongo, oha va dimbuluka yoo oo tatekulu noomeekulu ovo va dipayelwe kOvandowishi po Shark Island moLüderitz konima yeedula 100 dakapita.

Mukapuli ta yelifa kutya moLüderitz yoo omuna onhele yopandjokonona, opo pa dipayelwa omapendafule.

“ Ohandi indile epangelo la Namibia ngaashi naanaa sha kala nokupulwa kovaleli ovo nda landula, ku endelelifwe opo ku kwashili palekwe kutya onhele yo Shark Island  oya ningwa onhele yopashiwana, opo oshiwana shikale sha manguluka oku kala hava ka talelapo onhele oyo nokuyandja efimaneko komapendafule oo a dipaelwa ponhele opo.” Mukapuli  a indila.

LEAVE A REPLY

Please enter your comment!
Please enter your name here